诗篇 75章1节 到 75章10节   背景资料  上一笔  下一笔
一般来讲,第七十五kah七十六篇,lóng是teh回答第七十四篇ê诗歌。因为án-ne,lóng被看做是先知teh敬拜ê时所用ê诗歌。因为第七十四篇10节问讲:「上帝ah,对敌讽刺会到甚么时?敌人亵渎祢ê 名kám 会到永远?(全民版)」tùi chia发出问题,然后tī第七十五篇就有上帝ê回答,上帝已经确定了审判ê日期,而且「tio̍h用公道施行审判」。世人ê气力是无法度阻挡上帝ê,因为上帝beh亲自审判,他不需假别人ê手。讲到上帝甚么时chūn beh审判,并无讲出明确时间,ná亲像耶稣所讲ê,hit时chūn是甚么时间,无人知影。因为上帝家己有一个时间表。

第1节,诗人带领所有ê会众「感谢」上帝,mā tio̍h宣扬上帝奇妙作为ê伟大。这表示上帝确实开始针对头前第七十四篇所提起hiah-ê仇对敌上帝亵渎ê行为进行严厉惩罚。

    第2到5节,「上帝讲」,这是先知文献ê特徵,表示tùi上帝来ê信息,众人一定tio̍h注意听。

第2节讲上帝已经「定下了审判ê日期」,m̄-koh并无说明甚么时chūn。而且上帝ê审判会真公正,bē冤屈无辜ê人。

第3节讲上帝beh tī chit混乱不安ê世代中,用他ê手稳tiâu kui个世界,tī他ê手上,一切lóng会变kah非常有秩序。

Chit段诗歌讲上帝会hō͘ chiah-ê狂傲ê人koh-khah án怎都无法度狂傲起来,mā beh hō͘ in过去hit种嚣张ê态度收敛起来。

第6到8节,上帝开始进行审判ê时,bē借用其他方式,却是会直接tùi天顶落来进行审判ê工作,ná亲像对付hiah-ê建造巴别塔ê人,in想beh tī土脚显明家己ê名,上帝就是直接tùi天顶落来进行审判,结果是分散in ê语言,hō͘ in无法度koh再联合做伙(参考创世记十一:1—9),mā ná亲像当以色列人民tī埃及过非常痛苦ê奴隶生活ê时,上帝ê作法就是直接tùi天顶落来带领以色列人出埃及(参考出埃及记三:8)。

第8节所用ê「烈酒」,邪恶ê人lóng tio̍h来lim,这是旧约圣经中一再使用ê方式来形容上帝ê惩罚(参考以赛亚书五十一:17,耶利米书廿五:15—29、四十九:12,以西结书廿三:31,哈巴谷书二:16)。

第9到10节,邪恶者被粉碎,in ê气力无koh存在,这是值得感谢上帝ê大事。

重新查询 专卷研经 诗篇系列
错误回报,请联系comm[@]fhl.net