诗篇 7章1节 到 7章17节   背景资料  上一笔  下一笔
Chit首诗歌tī《希伯来文圣经》有一个标题写:「大卫因受便雅悯人古实ê攻击向上帝所唱ê歌。」困难ê所在是chit-ê「便雅悯人古实」是甚么人?tī chit-ê诗歌里并无说明。

Chit首诗是属tī个人ê哀歌,teh祈求上帝替伊伸张公义ê诗歌。有可能是由两篇以上ê诗歌并成ê,m̄-koh,mā可能是一个作者ê作品。

第1到2节,chia讲上帝是人ê「避难所」,意思是上帝乃是人ê óa靠,siōng好ê靠山kah保障。Kā仇敌形容ná亲像凶猛ê野兽,mā是诗篇中时常出现ê现象(参考十:9、十七:12、廿二:12—13、16、20—21、三十五:17)。特别对tī teh逃亡ê人来讲,任何威胁tio̍h性命安全ê对象,lóng ná亲像树林中ê野兽一般惊人。Tī巴勒斯坦siōng凶猛ê野兽就是「狮」,因为án-ne,诗人用狮来形容威胁伊性命ê气力。

第3到5节,若是chit首诗歌是大卫写ê,mā thang看tio̍h伊teh向上帝陈述家己ê无辜,m̄-koh却受tio̍h迫害。这就kah-ná一个人teh chiù-chōa一般,用来表明家己ê清白。

第6到9节,Tī chit段诗歌中,诗人呼吁公义ê上帝ē-tàng开庭审判chiah-ê作恶ê人。第6节ê「奋起」,意思是teh指「赶紧」ê意思,若无,作恶ê人会危害koh-khah chē ê人。诗人相信公义ê上帝,必定知影甚么人受到à冤枉、被陷害,上帝一定会奖赏做tāi-chì公正ê人。

第10到13节,chit段诗歌真清楚讲出诗人对上帝有绝对ê信心。因为伊认bat ê上帝是公义ê审判者。第11节所谓上帝「日夜惩罚作恶ê人」,表示上帝绝对bē hō͘作恶ê人有喘气ê机会。M̄-thang认为tī乌暗中作恶,就无人看会tio̍h,mā m̄-thang认为日时头tī无人迹ê所在作恶就bē有人知影,m̄是,上帝lóng看kah真清楚,因为他是无所不在ê神。日时暗夜对上帝来讲,lóng仝款(参考诗篇一三九:12)。

诗人讲上帝已经准备好势beh惩罚ê工具,包括有「刀」、「剑」、「弓」等致命ê器械,表明上帝随时会进行审判ê工作。若是iáu不赶紧悔改,就会面临上帝严厉ê惩罚。

第14到17节,chit段诗歌讲tio̍h作恶ê人,最后就是hō͘家己所做ê恶hō͘缚tiâu,in挖了陷阱想要害人,结果是害了家己。其实,这mā是上帝惩罚ê一种方式。这ná亲像常听tio̍h ê一句话,讲作恶ê人the̍h石头beh phah人,结果却是phah-tio̍h家己。

重新查询 专卷研经 诗篇系列
错误回报,请联系comm[@]fhl.net