诗篇 62章1节 到 62章12节   背景资料  上一笔  下一笔
这应该是一首真美ê诗歌,诗ê内容带有「智慧文学」ê韵味。亲像第8到9节所讲ê,kah智慧文学ê内容真接近。上帝是人性命惟一ê希望,其他lóng是不可靠ê,即使是富贵mā是不可靠。诗篇ê诗人一再hō͘咱一个重要ê认bat:性命是tùi上帝来赏赐。因为án-ne,óa靠上帝,chiah是性命siōng好ê保障。

第1到2节,chit两节kah第5到6节是完全仝款ê句话,因为án-ne,这两处诗歌可能就是chit首诗歌ê「副歌」。Lóng teh表示用安静ê心thèng候上帝。因为只要上帝出手拯救,就bē致使失败。

第3到4节,chit两节thang看tio̍h诗人面临ê困境,就是攻击者用各种不实ê话对诗人kā它毁谤,m̄-koh伊深信,上帝鉴察人心内ê意念,知影甚么人teh讲白贼。

第7到8节,chia所提起ê「光荣」,表示一个人身上所有ê一切,lóng是tùi上帝来赏赐,用chiah-ê来荣耀上帝ê人,chiah会体验出上帝就是性命ê主。因为án-ne,一定会信靠上帝chiah是正确ê性命态度。

第9到10节,chit两节真清楚说明所有ê人,khiā tī上帝ê「天平上」,lóng仝款。无贫贱富贵之别,而且性命tī上帝眼中lóng目nih-á到ná亲像「做一困息」,非常地轻。因为án-ne,m̄-thang认为财富chē,性命就比较khah贵重,bē,而且是不可靠。因为只要上帝决定收tńg来,就一切马上消失无看tio̍h。

第11到12节,上帝chiah是永远ê,tī他有「无变ê疼」,而且像天平仝款ê公正,照每一个人ê行为来审判。因为上帝手中自有一支尺。

重新查询 专卷研经 诗篇系列
错误回报,请联系comm[@]fhl.net