诗篇 51章1节 到 51章19节   背景资料  上一笔  下一笔
这是大卫王所写出名ê诗歌之一,是首忏悔ê诗歌。Tī诗篇中共计有七篇lóng是属tī忏悔诗歌,包括有第六篇、第三十二篇、第三十八篇、第一○二篇、第一三○篇,以及第一四三篇等。

Chit篇是大卫王犯奸淫罪后所写ê忏悔诗。如果详细读,就会发见chit首诗ê主题:「祢无ài 祭物,若ài,我就beh 献;烧祭祢mā 无欢喜。上帝ah,祢所意爱ê祭就是忧伤ê心;忧伤痛悔ê 心,祢bē 看轻。。(全民版)」(第16到17节)chit两节kah诗篇第五十篇8到15 节ê内容非常相近。讲述上帝m̄是欢喜人ê献祭(奉献),上帝beh人知影悔改、认罪,而人应该知影真诚ê感恩,chiah为上帝所kah意,因为所有ê一切lóng是tùi上帝来ê恩赐。

第1到5节,大卫tùi上帝有永恒ê疼开始祈求,请求上帝用疼来「除掉」、「清除」、「洗荡」伊ê罪。

第4节,虽然大卫是谋害家己ê部属乌利亚,m̄-koh伊知影chit种行为等于无kā上帝khǹg tī眼内chiah敢做会落去。因为án-ne,伊讲家己得罪上帝,是做上帝看做邪恶ê事。伊无逃避上帝ê审判,认为接受惩罚是应该ê。

第5节mā说明无一个好人,tī上帝面前,大家lóng是有罪ê人。

第6到12节,Tī chit段诗歌中,诗人表示上帝所kah意ê,就是诚实忏悔ê心,只有án-ne,chiah ē-tàng得tio̍h上帝恩典,kā身上ê罪孽除掉而洁净。Mā只有tī chit前提之下,chiah ē-tàng得tio̍h上帝伸手洗荡人ê罪。

伊祈求上帝对伊所犯ê罪,hō͘ in怜悯、赦免,因为只有án-ne,chiah ē-tàng hō͘伊得tio̍h 「一粒纯洁ê心」。换句话讲,m̄是人家己有能力thang hō͘家己洁净,是上帝ê慈爱,人chiah ē-tàng tùi罪恶ê污秽中得tio̍h洁净ê气力。因为án-ne,「除掉」等字眼,构成chit首诗重要ê关键用词。

第13到17节,Tī chit段诗歌中,大卫显示了心内ê感恩,伊深信上帝会赦免伊,mā因为án-ne,伊beh kā上帝chit种永恒ê疼教导所有罪人,hō͘ in知影悔改认罪,来归顺上帝。Tio̍h用忏悔ê心tńg来到上帝面前,却m̄是用献祭ê表面功夫。

第18到19节,大卫承认因为伊犯罪,致使上帝无koh疼惜耶路撒冷,可能因为án-ne hō͘ hit-ê城遇tio̍h灾难。因为án-ne,伊恳求上帝怜悯看顾,重新建造hit-ê城,就亲像上帝为伊更换一粒新ê心仝款。伊用chit种方式teh表明:因为家己犯罪,致使家己治理之下ê国家变成虚弱、无力。

重新查询 专卷研经 诗篇系列
错误回报,请联系comm[@]fhl.net