诗篇 50章1节 到 50章23节   背景资料  上一笔  下一笔
如果有读过先知ê文献,尤其是先知以赛亚、耶利米、阿摩司、弥迦、何西阿等人ê诗歌,就会发见chiah-ê先知lóng提出一个共同ê观念:m̄-thang认为上帝欢喜人ê献祭,m̄是,上帝所kah意ê是人会遵行kah他所立ê约,照约去行。因为án-ne,读chit首诗歌ê时,就会发觉有先知教导ê信息内容,因为án-ne,有kóa诗篇ê学者持chit种看法,认为chit首诗是用tī礼拜ê时,主祭者提醒以色列人民一定tio̍h ân-ân记tiâu,无法度因为有献祭,就ē-tàng随便,á是想用献祭来欺骗上帝,这是m̄-tio̍h ê,因为上帝并无欢喜人心中存有chit种态度á是意念。若无诚实ê心,即使用尽所有ê礼节mā是枉然。人会做恶多端,是因为bē记得上帝是会审判ê上帝。

第1到2节,chit段诗歌可能是由主礼者发出宣召ê声音,ài大家用安静kah敬虔ê心灵同齐敬拜上帝。

Chia用「全能ê上帝」,这mā是基督教信仰所认bat上帝ê三大特性之一,另外两种就是上帝无所不在(参考一三九:7—10)、上帝无所不知(参考一三九:1—3)。

第3节,chit节表示上帝显现ê时有三种现象:一是并m̄是「默默无声」、二是「头前有焰火」、三是「四周有暴风」。

第4到6节,特别强调上帝ê审判是公正ê,天地lóng是上帝公正ê证人。这mā表示人所有ê一切言行举止,上帝手上lóng有清楚ê资料thang查,一点mā不冤枉。

第7到15节,chit段诗歌真清楚是上帝teh控告以色列人民用虚假ê态度敬拜他,特别是以色列人民想beh用kāu枝叶ê宗教礼仪来掩盖(khàm)所做ê邪恶ê tāi-chì。M̄-koh上帝bē看chiah-ê献祭ê物,因为万物lóng是上帝ê。因为án-ne,诗人呼吁所有ê人lóng tio̍h用真实感谢ê心,这比虚假ê献祭koh-khah有用。

第16到23节,chit段诗歌讲出上帝真清楚知影以色列人民ê罪状:1.in是作恶ê人,表示in弃sak上帝,去拜偶像神明。2.讨厌上帝ê管教,意思是不听从上帝ê话。3.kah盗贼为友,kah淫乱ê仝伴。这表示in做kah上帝ê教导相违背ê事。4.是四界讲白贼,等于讲毁谤ê话,á是做假见证。5.认为上帝默许chiah-ê恶质ê行踏。

第22节,诗人koh一pái提醒大家,一定ài会记得上帝ê教导,tio̍h注意听上帝ê话,若无,上帝进行审判kah毁灭ê时,就来不及。

第23节,chit节kah第14到15节是仝款ê意思。

重新查询 专卷研经 诗篇系列
错误回报,请联系comm[@]fhl.net