诗篇 49章1节 到 49章20节   背景资料  上一笔  下一笔
Chit首诗篇kah第三十七篇、七十三篇真类似,lóng提起财富ê问题。人ê软弱就是欢喜óa靠财富,认为有财富,性命chiah有保障。M̄-koh,诗人则kā大家讲,chit种人是真愚笨ê。这ná亲像路加福音第十二章16到21节,耶稣所讲ê譬喻中,teh形容hit位富有ê财主仝款,认为有财富就ē-tàng óa靠之「过爽快ê日子」,chit种人总认为家己真聪明、好字运,m̄-koh tī上帝眼中却是一个「糊涂」ê人,因为当上帝kā伊ê性命取去ê时,人所累积起来ê财富kā归hō͘别人。Chit首诗ê作者kā咱讲:每一个人lóng会死亡,只有上帝ē-tàng救人脱离阴间ê罗网。

第1到4节,诗人呼吁所有ê人lóng tio̍h「注意听」,而且是beh「侧耳注意听」,表示这是非常重要ê信息。因为chit-ê信息是「智慧ê话」,tio̍h讲「明智ê事」。

第5到12节,chit段诗歌讲tio̍h财富kah性命ê关系。诗人强调性命m̄是用财物thang比并ê,性命是无价ê,财物是thang算ê。因为án-ne,m̄免惊惶有人用财物来诱惑á是围困咱。因为性命是tī上帝手中,真正会剥夺咱性命ê,是上帝,m̄是世间chiah-ê财物、金钱。Mā无任何人ē-tàng避免死亡ê坟墓,无论是贫贱富贵,大家lóng仝款,ài面对死亡。

注意第7节ê「赎价hō͘上帝」,意思是teh指用金钱向上帝o͘-se ê意思。上帝是bē接受o͘-se ê,因为宇宙万物lóng是属tī他所有。人身上所有ê一切,mā是他赏赐ê。

第13到19节,这是一段劝勉ê诗歌,ài大家m̄免羡慕有钱人,因为财富并bē-tàng为性命做甚么保证。Á性命是上帝teh管理。上帝决定每一个人ê性命之长kah短,人无法度用任何力量kah上帝换来性命延长几工(参考路加福音十二:25)。

第15节诗人强调上帝会拯救ê人,就是遵行他ê旨意ê人。只有悖逆上帝旨意ê人,chiah会想beh用世间ê财物买性命。

第17节,诗人koh一pái表示:人怎样出老母ê胎,mā会怎样tńg来到上帝hia。这mā是约伯所讲ê箴言(参考约伯记一:21)。

第20节kah第12节仝款,mā是「副歌」。

重新查询 专卷研经 诗篇系列
错误回报,请联系comm[@]fhl.net