诗篇 48章1节 到 48章14节   背景资料  上一笔  下一笔
Chit篇是teh歌颂耶路撒冷城ê诗歌,因为chit-ê城被称做上帝ê圣城,上帝ê威严显chit-má圣城中,敌人一看tio̍h就惊惶。后来chit首诗歌用teh歌颂耶路撒冷城,特别是tī大祭典ê时chūn,lóng会唱chit首诗歌。

第1到2节,耶路撒冷城因为是建造tī海拔大约有八百公尺ê山丘上,而且因该山丘被称做「锡安山」,而城内有圣殿,圣殿里有约柜,因为án-ne,就会用「锡安山」,表示上帝ê圣山,mā表示he是「锡安堡垒」。

第3节,chit节讲耶路撒冷是上帝所显示安全ê避难所,chit点一直是以色列人民久长以来深植在内心ê观念。M̄-koh chit种观念一定tio̍h配合照上帝ê命令,若无,上帝若是离开,siōng安全ê避难所,就会成做灾难ê场所。这mā是主前586年巴比伦攻陷耶路撒冷城,并kā它拆毁ê一个事实,因为上帝已经离开耶路撒冷(参考以西结书十一:23),无koh kah hit-ê城同在。

第4到8节,chit段诗歌真可能kah历代志下第二十章ê经文记事有关,he是主前853年ê历史,当时以东、摩押、亚扪等三国联军来攻打耶路撒冷。In先占领了「哈洗逊・伊玛」chit-ê城。当时犹大王约沙法非常惊惶,有真chē人民纷纷逃难躲进耶路撒冷城内。约沙法带领城妇人人民禁食祈祷。上帝垂听约沙法王ê祈求,派先知雅哈悉去坚定约沙法ê心。然后利未支族ê人带领人民高声歌颂上帝,结果以东等三国联军ê军心搅乱起来,互相残杀,最后是落荒而逃。犹大并无出任何一兵一卒。这就是第8节所讲ê,是上帝亲自守护chit-ê城,chiah佳哉免得受难。

第9到14节,因为上帝行奇妙ê神迹,因为án-ne,每pái进入圣殿敬拜,就会想起上帝chiah-ê奇妙ê作为,而万国ê人民mā会án-ne歌颂。因为上帝是「公正」、mā是「正义」ê统治者。Koh khah重要ê,诗人讲ài kā上帝这奇妙ê作为世世代代传到后代kiáⁿ孙中,án-ne,后代ê kiáⁿ孙mā知影tio̍h歌颂上帝。

重新查询 专卷研经 诗篇系列
错误回报,请联系comm[@]fhl.net