诗篇 46章1节 到 46章11节   背景资料  上一笔  下一笔
Tī诗篇中,有六首诗歌被称做「歌颂锡安ê诗歌」,包括有第四十六篇、第四十八篇、第七十六篇、第八十四篇、第八十七篇,以及第一二二篇等。

Chit首诗篇应该是一首「信心ê诗歌」,主要teh激励耶路撒冷城内ê人民,一定会信靠上帝,特别是tī siōng危急ê时chūn,koh khah需要专心仰望上帝ê拯救。

第1到3节,tī第1节开始就讲tio̍h上帝是siōng好、而且安全避难ê所在。诗篇ê诗人不时用「避难所」来形容上帝(参考七:1、九:9、十四:6、十八:2、十九:14、三十一:3、四十六:1、五十九:9、16、六十一:2、六十二:7、8、七十一:3、7、七十三:28、九十一:2、9、一四二:5)。上帝成做性命ê避难所,因为án-ne,tī患难中就成做「急诊站」仝款。诗人会án-ne叙述,主要是认为上帝是无所不在ê。因为án-ne,无论是发生jōa大ê灾难,有上帝当避难所,就ē-tàng安心óa靠。

第4到6节,ná亲像前一段诗歌所表达ê,上帝ná亲像避难所,tī chit避难所里,就bē有任何担忧。仝款ê,Tī chit段诗歌中,诗人讲tī上帝ê城里,无论敌人án怎壮大军伍来攻击,lóng m̄免惊惶,因为只要上帝发出命令,就算siōng坚强ê队伍mā会亲像雪仝款融解。Chit种经验tī主前701年,亚述大军包围耶路撒冷ê时经历到。

第7 kah第11节lóng是「副歌」。

第8到10节,诗人ài大家详细看上帝奇妙ê作为,只要上帝一出手,战争就会随时止息,所有ê武器lóng会报废。Chit时chūn,大家chiah会知影,m̄是武器ē-tàng phah赢,却是上帝beh hō͘强猛ê国家,知影节制、收敛。


重新查询 专卷研经 诗篇系列
错误回报,请联系comm[@]fhl.net