诗篇 40章1节 到 40章17节   背景资料  上一笔  下一笔
Chit首诗篇真可能是由两篇无仝ê诗歌合并而成ê,就是第1到10节,这部分是teh感谢上帝ê拯救。第二部分则tùi第11到17节,这是teh祈求上帝拯救ê 诗。特别tio̍h注意ê是第13到17节kah诗篇第七十篇仝款。Ná亲像头前ê第十四篇kah第五十三篇ê诗歌内容,mā是差不多仝款仝款。
第1到5节,chit段诗歌真清楚讲出上帝确实是垂听诗人ê祈祷。伊感谢上帝kā伊tùi「泥沼kah深坑中」救出来。Chia诗人用「泥沼」来表示性命已经完全无希望。相对tī「泥沼」ê就是「石磐」,坚定可靠。上帝kā伊tùi泥沼中救出来了后,是kā伊安khǹg tī石磐顶。因为án-ne,诗人讲beh唱新ê诗歌来回应上帝救助ê疼。

第4节ê「一心信靠上主」,ná亲像申命记第六篇5节所讲ê,tio̍h用「全心、全情、全力」疼上帝。无一心二意ê态度。Chit句「一心信靠上主」ê句话,通常lóng是用来比较khah hiah-ê有社会地位ê人,á是拥有大量财富ê人,chit种人通常会óa靠家己ê气力,而bē记得上帝。

诗人tī第5节表示上帝有无穷ê疼,成就了真chē人间ê大事。无任何神明ē-tàng kah上帝相比并。

第6到10节,chit段诗歌中ê第6到8节被新约希伯来书ê作者引用tī该册第十章5到7节。Á第6节是引用何西阿书第六章6节,先知何西阿讲上帝并m̄是ài人献祭hō͘他,上帝喜爱ê,是人有怜悯ê心,这比献祭iáu重要。

Chia诗人mā祈求上帝赏赐hō͘伊有「注意听ê耳á」,án-ne,伊就ē-tàng不时听见上帝ê声音。圣经中一再出现「tio̍h注意听」、「侧耳注意听」等用词,lóng teh表示听从上帝ê话,就是性命siōng好ê礼物。诗人tī chia表示:真心ê注意听上帝ê话语,遵行他ê旨意,chiah是上帝所欢喜ê事。因为án-ne,诗人表示伊真乐意遵照上帝ê旨意,伊beh kā上帝ê「教示谨记在心内」。

	诗人tī第9到10节表示,伊beh tī众人聚会ê中间歌颂上帝,beh「不断来传扬」上帝拯救ê信息,beh hō͘众人lóng知影,上帝永远「信实无变ê疼」。原因是伊知影上帝永远爱伊。

	第11到17节,头前有提起过ê,chit段诗歌tùi第13节开始kah诗篇第七十篇完全仝款。

	第11节,chit节ē-sái讲是第12到16节ê前言。诗人非常清楚上帝有永远无变ê疼,支抱诗人行过艰辛ê性命旅程。

	第12节,诗人讲tio̍h家己ê困境,一是hō͘灾难连连缠tiâu,hō͘伊无法度动弹。二是伊感觉家己ê罪状chē到无法度详细算,因为比伊ê头毛koh-khah-chē。

	第13到15节,伊向上帝倾诉,hō͘上帝知影伊ê仇敌正teh嘲(sau)笑tio̍h伊,hō͘伊感觉非常ê痛苦。伊知影,chit时chit时,只有上帝chiah ē-tàng救伊脱离chit种困境。

	第16到17节,chit两节mā ē-sái讲是chit首诗篇ê「副歌」,意思是teh指重复唱。表示上帝是拯救者,他是伟大ê救主。

重新查询 专卷研经 诗篇系列
错误回报,请联系comm[@]fhl.net