诗篇 34章1节 到 34章22节   背景资料  上一笔  下一笔
Chit-ê篇mā是诗篇中九篇用希伯来文字母顺序编写ê诗歌其中一篇。通常chit首诗歌被看做是第廿五篇ê姊妹作品,第廿五篇是一首祈祷ê诗歌,Chit篇则属tī感谢ê诗歌。Koh讲,Chit篇诗歌充满tio̍h箴言智慧文学ê特色,因为án-ne,mā被看做是大卫王了后ê作品。

Chit种按希伯来文字母顺序编写ê诗歌,tī诗篇中共计有九篇,就是第九篇、第十篇、第廿五篇、第三十七篇、第一一一篇、第一一二篇、第一一九篇、第一四五篇,以及chit-má这第三十四篇等。其中siōng-kài特别ê一篇,就是第一一九篇,chit-ê篇共计有廿二个段落,而每一个段落ê开始,就是希伯来文字母。Chit种用字母来写诗篇是有用意ê,主要是hō͘民众学习认bat字母,而且容易记tiâu。

第1到3节,chit段诗歌mā是诗人teh做信仰告白,伊呼吁所有领受过上帝救赎恩典ê人lóng tio̍h kah伊同齐来歌颂上帝。Tio̍h歌颂,是因为「上主ê伟大」(参考第3节),表示上帝已经出手拯救需要他救助ê人。

第2节所讲ê「被压迫ê人」,mā是teh指谦卑ê人ê意。主要teh说明任何走chhōe上帝ê被压迫者,上帝一定会帮助。

第4到10节,tùi第4到7节ē-tàng看出诗人清楚teh表示:只要真心走chhōe上帝,一定会chhōe得tio̍h,他会垂听受tio̍h压迫而「孤苦无助者」ê呼hoah声音。Tī第6节所讲ê「孤苦无助者」,是teh指hiah-ê愿意谦卑走chhōe上帝帮助ê人,kah马太福音第五章3节所讲ê「承认家己灵性贫乏ê人」有异曲同工ê所在。

M̄-nā án-ne,上帝mā会差派「天使」出手救助「敬畏」他ê人。圣经一再提起,只要是真心敬畏上帝ê人,上帝会kah chit种人同在,ná亲像顾羊人teh带领羊群仝款,hō͘伊永远bē缺乏。这相对ê意思,就是hiah-ê迫害人ê人,心中无上帝ê狂傲人,in即使是歌颂上帝,上帝mā会拒绝接受,就算in遇tio̍h困境,上帝mā bē伸手帮忙(参考以赛亚书一:15—17)。

第10节「少壮ê狮」,mā有ê译本用「富贵ê人」,意思是:即使富贵像狮hit种强壮,mā会有缺乏、无法度满足。

第11到22节,Tī chit段诗歌中,诗人特别针对少年人来写。Ná亲像头前已经提起过,chit首诗歌是用字母顺序排列,án-ne,ē-tàng认bat字母,mā thang透过学习认bat字母而认bat上帝。

Koh讲,chit段诗歌kā「义人」kah「作恶ê人」做对比,án-ne,学习字母ê少年人就知影上帝喜爱ê对象是「义人」。这义人,指ê是敬畏上帝ê人。

诗人一开始就强调tio̍h「敬畏上主」,这是信仰ê第一课。心中敬畏上帝,就会看见上帝奇妙ê作为。Án-ne,人就会跟tòe谦卑落来。
而敬畏上帝ê人必定会养成ê态度,就是诚实,不讲白贼,而且会尽力追求kah人和睦相处。

第16节讲上帝「对敌作恶ê人」,表示上帝一看见甚么人作恶,他就非常受气,拒绝看顾chit种人,m̄-koh上帝会看顾「义人」,hō͘ in脱离灾难ê围困。

第18节kah第6节所提起ê对象是仝款ê。

Chia一再呼求人tio̍h听从上帝ê教示。Á听从上帝教示ê人,一定tio̍h先约束家己ê嘴舌不讲白贼,mābē出恶言。人若对上帝有敬畏ê心,性命tī上帝里就会得tio̍h滋润。

注意第19节,chia提起「义人遭遇真chē患难」,这表示义人并m̄是bē遇tio̍h困苦,ná亲像约伯是「义人」,m̄-koh伊却遇tio̍h意外灾难连连而到。耶稣mā讲tī chiah-ê世界有真chē苦难,m̄-koh,tī伊ê内面,咱thang赢过chiah-ê苦难。基督教ê信仰m̄是kā咱讲无苦难,却是赢过苦难。

第22节提起上帝ê「奴仆」,mā是「义人」ê意思。因为义人会遵守上帝ê规律诫命。

重新查询 专卷研经 诗篇系列
错误回报,请联系comm[@]fhl.net