诗篇 32章1节 到 32章11节   背景资料  上一笔  下一笔
这是属tī诗篇里七篇忏悔诗中ê一篇,另外六篇是:第六篇、第三十八篇、第五十一篇、第一○二篇、第一三○篇、第一四三篇。Chit篇虽然是属tī忏悔诗歌中ê一首,m̄-koh却mā充满忏悔后ê喜乐,这是chit首诗歌siōng大ê特色。Chit种喜乐是因为犯罪了后,得tio̍h上帝ê赦免,心灵得tio̍h了释放而向上帝唱出感恩ê诗。

第1到2节,chit两节连续提起「有福」,这是teh指hō͘ 上帝「赦免」、「不被上主定罪」,chit两种人就是有福ê人。

第3到5节,诗人真清楚teh表达一个观念:上帝清楚每一个人ê作为,包括人ê心思意念,lóng无法度隐藏。因为án-ne,「闭口」m̄讲、m̄承认,并无表示上帝m̄知,他m̄-nā知影kah真详细,mā会因为人m̄承认所犯ê罪,而受气。因为án-ne,诗人清楚知影只有人承认家己ê罪过ê时,上帝chiah会赦免。

第6到9节,诗人特别呼吁大家tio̍h趁性命iáu活teh ê时chūn,chhōe上帝,祈求他ê赦免。先知以赛亚mā引用这诗人ê讲法(参考以赛亚书五十五:6)。诗人tī chia teh表明一件事:认bat上帝慈爱ê人lóng会知影,tī困境中siōng好mā是唯一ê途径,就是chhōe上帝。上帝一定会伸手保护。只有愚戆ê人chiah会想beh用家己ê气力脱离患难。

第10到11节,第10节是相对句型,听从上帝ê旨意kah弃sak上帝ê人,必定会有完全无仝ê后果。第11节所提起ê「义人」,是teh指照上帝旨意做tāi-chì ê人。Chit种人bē偏离正路。

重新查询 专卷研经 诗篇系列
错误回报,请联系comm[@]fhl.net