这是一首个人ê感恩诗歌，诗人真可能是因为患tio̍h重病得tio̍h医后，献上chit首感恩ê诗歌。

第1到3节，诗篇中ê「仇敌」，并无一定是teh指带兵器来攻打ê对象，它往往teh代表重大破病，á是任何威胁tio̍h性命ê气力lóng是。Chit首诗ê开始，就讲上帝拯救伊，hō͘危害伊性命ê「仇敌」m̄敢pôaⁿ过雷池一步。Chia ê「救」一字，mā有「拔出」、「搝（khiú）起来」ê意思。Á tī chia所用ê「仇敌」是用复数名词，因为án-ne，mā teh表示病情真严重。Tùi第3节thang看出诗人bat面临死亡，佳哉上帝及时伸出医ê手，hō͘伊tùi死亡ê边缘转tńg来。

第4到7节，tī第4节诗人提起「忠贞子民」一词，这tī诗篇中一再重复出现（参考十二：1、十六：3、10、三十一：23、三十七：28、五十：5、七十八：8、八十九：19、一一九：5、一三二：16、一四九：1）。Chit-ê词表明无论jōa-ni̍h-á恶质ê环境下，iáu是有一kóa对上帝绝对忠实ê子民，上帝一定会看顾，tī患难中会伸手救助。只有tī上帝ê庇护之下，chiah ē-tàng享受真实ê平安。失去上帝，等于丧失性命仝款。

第8到12节，Tī chit段诗歌中，诗人用了真chē求救ê词汇，包括有「呼求」、「恳求」、「垂听」、「不缄默」等。当诗人得tio̍h上帝ê拯救，脱离死亡后，伊第一件事，就是「歌唱颂赞」上帝ê救恩，而且是beh永远歌颂落去。

Chit首诗后来被犹太人用teh记念被敌人俘虏去做奴隶ê经验，in tùi受掠之地tńg来后，感觉家己kah-ná tùi死亡ê边缘行tńg来仝款。特别是in tī主前164年，tùi希腊统治者安提阿哥依皮法纽四世手中夺回耶路撒冷圣殿ê时，kā圣殿重新清除清气后，唱出chit首诗歌，表明in心中ê感恩，ná亲像一个差一点á死去ê病人得tio̍h痊愈后一般ê欢喜。