诗篇 26章1节 到 26章12节   背景资料  上一笔  下一笔
这是一首受冤屈ê向上帝祈求伸冤ê诗歌,kah第十七篇真类似,一般会kā chit首诗歌列为是一个人ê哀歌。Tio̍h注意ê是chit首诗歌ê背景是圣殿,而圣殿是敬拜上帝ê所在。因为án-ne,teh敬拜上帝ê所在,kā心内ê痛苦陈述hō͘上帝听,是siōng好ê方式。古代人ê chit种观念真重,认为上帝就tòa tī圣殿里,他是性命ê审判者。因为án-ne,ài用圣殿当做法庭,向上帝倾诉,由上帝来裁判,他是公义ê神。

第1到3节,诗人深信只有上帝chiah ē-tàngiáu伊清白,因为án-ne,一开始,伊就祈求上帝为伊伸冤。伊坦荡荡地kā家己pái tī上帝手中,祈求上帝鉴察伊ê心内,若chiâⁿ实是无辜受难,伊祈求上帝照所立ê约带领伊。第3节所讲ê上帝之「信实」,意思是teh指上帝是守约ê神。

第4到5节,chit两节thang参考诗篇第一篇1节。Chia提起ê「虚假」、「伪善」、「邪恶」等,lóng是上帝所讨厌ê事。因为án-ne,一个遵守上帝命令ê人,一定会远离chiah-ê事,免得因为受tio̍h诱惑而弃sak上帝,引起上帝ê忿怒。

第6到7节,「洗手表示无辜」,tī彼拉多判耶稣钉死十字架ê时,mā是用chit种动作,表示伊是无辜ê。「绕行祭坛ê周围敬拜」,这是古老圣幕ê时代,除了祭司进入帐幕内外,其余民众就绕者圣幕外面,同声歌颂上帝,讲述上帝「一切奇妙ê作为」,这是teh指上帝所行ê神迹奇事。

第8到10节,圣经每pái提起「荣耀」,mā teh表示上帝出现ê所在。圣经时代以色列人民深信上帝就tòa tī耶路撒冷圣殿里。因为至圣所有约柜,约柜放tio̍h上帝kah以色列人民所立ê约。M̄-koh诗人深信上帝会清楚甚么人chiah是作恶ê人,chia所讲ê「作恶」一词,mā有含「淫乱」ê意思,表示chit种人表面上看起来是信上帝,m̄-koh实际并m̄是án-ne,却是虚有外表而已。因为chit种人只知影「四界收受o͘-se」,in ê手不清气。

第11到12节,诗人祈求上帝拯救伊,怜悯伊,而伊ê祈求上帝确实应允了,hō͘伊深受感动,伊决定beh tī公众面前「歌颂上主」,讲述上帝无比ê疼。

重新查询 专卷研经 诗篇系列
错误回报,请联系comm[@]fhl.net