诗篇 16章1节 到 16章11节   背景资料  上一笔  下一笔
这是o-ló ê诗歌,表明只要有上帝同在,就是性命siōng大ê喜乐,无其它koh-khah好ê方法。诗人以敬拜上帝ê子民,kah敬拜偶像神明ê人相对比,认为敬拜上帝ê人,性命像似一股泉源,kah chit种人做伙,ná亲像饮甘泉一般ê甜美。

第1到2节,因为上帝是性命ê源头,mā是保护者。因为án-ne,诗人表示tī困境á是苦难中,siōng好ê方法就是「投靠」chit位创造万物kah赏赐性命ê上帝。Tī chia诗人真清楚表白:上帝就是伊ê「主」,意思是上帝为伊性命ê中心,是伊ê性命ê主人。

第3节,chit节ê「高贵」一词,意思是teh指「分别出来」。上帝ê子民,就是hō͘拣选出来ê,因为án-ne,就显得无仝款。身为上帝ê子民,就beh有chit种认bat。使徒保罗写hō͘腓立比教会ê书信中,就勉励hit-ê教会信徒应该有「天顶公民」ê观念(参考腓立比书三:20),因为án-ne应该tī言行举止上kah一般人有无仝款ê所在。

第4节,chit节tú好kah第3节颠倒;chit节讲tio̍h拜偶像ê人,kan-taⁿ会为家己「招惹无穷ê祸患」,原因是弃sak了源头壳顶帝。Chit位诗人讲伊绝对bē跟tòe chit种人。

第5到6节,chit两节teh回应第2节所讲ê,上帝是「一切幸福ê源头」,chia讲上帝是一切「福份ê源头」。Chit种幸福kah福份,lóng kah上帝带领以色列人民进入应允之地有关系。换句话讲,上帝所赏赐hō͘忠心tī他ê人,lóng是siōng上等、siōng好ê礼物。

第7到8节,诗人讲上帝ná亲像一个好牧者,带领伊行正确ê道路。就算tī「夜间」,魔鬼、撒旦siōng活跃、猖獗ê时刻,因为有上帝ê指引,就会听tio̍h「良知」tī心中呼唤,免得陷入了魔鬼ê诱惑而离开上帝。

第9节,因为有上帝ê引chhōa,诗人讲伊ê肉身kah心灵lóng thang安稳。

第10节是表明一个人如果确实以上帝ê旨意为生活ê准则,chit-ê人必定会得tio̍h永恒ê性命,bē因败坏而「落阴府」去。

第11节,诗人koh一pái强调有上帝带领,性命就会充满「喜乐」,有上帝同在,就会享受「永远ê幸福」。

重新查询 专卷研经 诗篇系列
错误回报,请联系comm[@]fhl.net