诗篇 145章1节 到 145章21节   背景资料  上一笔  下一笔
这mā是一首o-ló ê诗歌,是一首teh歌颂上帝ê伟大kah慈爱ê o-ló诗歌。Á以第10节达tio̍h siōng高峰,to̍h是所有受造物lóng tio̍h歌颂o-ló上帝ê伟大。Chit首诗mā是一五○篇ê诗歌中,惟一ê一篇是用希伯来文标题写「o-ló诗」ê诗歌。它kah第九篇、第十篇、第廿五篇、第三十四篇、第三十七篇、第一一一篇、第一一二篇、第一一九等诗篇仝款,每句诗ê开始lóng是根据希伯来文字母ê顺序排列写做ê。希伯来文ê字母有22个,m̄-koh tī chit篇ê第13节因为连续用了两个字母,因为án-ne,变成只有21节。不过tī第13节却看tio̍h两组诗句。

	第1到3节,chit段诗歌是chit首诗歌ê引言,诗人表示伊beh「宣扬」上帝ê「伟大」。第1节ê「我ê上帝」、「我ê君王」chit种用词,真清楚teh表明上帝就是伊ê王。因为án-ne,chit首诗歌mā是以色列民族共同在吟颂ê诗歌,上帝就是in ê君王。Á第2节ê「ta̍k工」,表示永远bē间断ê意思。第3节ê「无法度测量」,是teh指大大超过人ê能力所ē-tàng想像之范围ê大(参考约伯记五:9、九:10)。

第4到7节,chit段诗歌ê用句,包括「大能ê事迹」、「荣耀」、「奇妙ê作为」、「大能」、「公义」等用词,其实lóng是teh说明上帝拯救ê奇妙,chiah-ê lóng kah带领以色列人民离开埃及,á是kā in因亡国而四散到世界各地去,重新聚集做伙,带领in tńg去故乡,重建家园有关。

第8到9节,thang看chit两节为chit篇诗歌ê中心,表明上帝ê慈爱,是「慈悲、怜悯、不轻易受气、满有无变ê疼」,而且chit种爱,是「kah tī一切被造物」,mā就是万物lóng充满tio̍h上帝ê慈爱。

第10到13节a句,chit段诗歌tī第11节提起上帝ê「主权ê荣耀」、第12节「国度ê荣耀」,这表示上帝就是君王,tī他掌理之下ê国家,会永远存在。

第13节b句到20节,只要讲tio̍h上帝ê慈爱,必定会讲tio̍h上帝ê「信实」,表示上帝kah他拣选ê人同在,mā表明上帝一定会严守所立ê约,永bē改变。

Tī第14节、第17节、第20节等等lóng teh表明上帝作为君王ê特性,就是主持公义,对弱小者kā它保护,bē发生弱肉强食ê事。因为上帝会「垂听」求告他ê人,会「成全敬畏」他ê人ê「心愿」。

第21节,诗人tùi家己歌颂上帝,进一步koh呼吁所有「被造物」lóng tio̍h同齐来歌颂上帝ê伟大kah慈爱,tio̍h歌颂上帝ê「圣名」。

重新查询 专卷研经 诗篇系列
错误回报,请联系comm[@]fhl.net