Chit首诗kah第五十三篇ē-sái讲是仝款ê一篇，除了第十四篇ê 5到6节kah第五十三篇5节有明显差别外，其余差不多lóng仝款。第十四篇是采用「耶和华」ê名称呼上帝，而第五十三篇采用「伊罗以」ê名称呼，表示诗人ê背景无仝。

另外一个特点，是chit首诗有先知文学ê韵味，亲像第1到3节开始chit句型就是真典型ê先知语句，看有甚么人是真正对上帝忠实。

第1到3节，chit首诗歌开始就讲「狂傲人自言自语：无上帝」，chit种句话kah箴言第一章7节：「敬畏上主是智慧ê开端。愚戆ê人轻视智慧，mā无愿意学习。」tú好是相对ê型态，相对tī智慧一词，就是愚戆。诗人讲愚戆ê人m̄相信有上帝，mā bē认bat上帝。

Chia讲「狂傲」（á是愚戆），意思是teh指hiah-ê头脑简单，无有思想ê人，chit种人就是kā认bat上帝ê事置之脑后，认为上帝甚么事lóng m̄知道，kā家己看做siōng伟大。

「人人偏离正路；ta̍k个仝款ê腐败」，chit句诗歌真清楚说明基督教信仰ê重要认bat：每一个人tī上帝面前lóng是罪人。使徒保罗引用了chit种观点（参考罗马书三：23），说明耶稣降生到世界起来ê原因。

第4到6节，tī chia上帝问一个问题：人为甚么ài hit种无知？认为上帝m̄知、看bē-tio̍h，甚至根本就不存在。会有án-ne想法ê人，就是心中根本to̍h无上帝ê人。因为圣经一再见证chit位创造宇宙万物ê上帝，是无所不能、无所不在、无所不知ê上帝。因为án-ne，心中有邪恶念头ê人，必定无法度逃过上帝ê目睭，当伊想beh陷害人ê时chūn，上帝会出手救助被压迫ê人。

第7节，kah tùi巴比伦回乡ê时代有关，in相信过去ê失败，是因为bē记得上帝。Taⁿ上帝看见、mā听见了in悔改呼求拯救ê声音。因为án-ne，上帝出手责罚hiah-ê欺负in ê强国，特别是当hiah-ê强国夸耀家己ê能力ê时，上帝必定会出手打击，并同时拯救以色列人民重回故乡建造家园。