诗篇 135章1节 到 135章21节   背景资料  上一笔  下一笔
这是一首o-ló ê诗歌,是teh o-ló上帝乃是创造宇宙万物,以及历史ê主宰。Chit首诗篇有一个特色,就是tī开始用「tio̍h o-ló上主」,以及结尾mā是「tio̍h o-ló上主」作回应。另外,chit首诗歌中真chē句话tī头前ê诗篇lóng有出现过。

第1到4节,chit段诗歌ná亲像一位主持礼拜ê人teh宣召所有ê人民来齐声颂赞上帝。Tio̍h颂赞ê原因是chit位上帝「至善」、「慈爱」,而且「拣选」了以色列人民「归属」tī他。

第5到12节,诗人Tī chit段诗歌中讲chit位创造宇宙万物ê上帝,他运行创造ê气力kah旨意,tī「天」、「地」、「海洋」、「深渊」中,照家己ê旨意做tāi-chì。包括空中ê「云雾」、「sìh-nà」、「暴雨」、「风」等,lóng会根据chit位创造主ê旨意而行。因为只有真正创造主chiah有chit种能力,hō͘所有受造物听从他ê命令做tāi-chì。

第8到12节简短却真精准地说明tùi出埃及到进入旷野,后来koh进入迦南地ê chit段旅程,tùi头到尾lóng是chit位全能ê创造主决定ê。

是teh歌颂上帝创造ê奇妙kah伟大。第8到12节thang讲是属tī史诗, teh描述in出埃及ê故事,以及进入迦南地ê过程。Tùi第13到18节则真清楚说明in堕落跟tòe迦南人崇拜偶像神明ê罪过。第19 到21节koh一pái tńg来到歌颂,用来告知所有ê人民,真正上帝乃是创造性命ê主宰。

第13到18节,因为前段诗歌说明上帝伸出万能ê手,续落来chit段诗歌就说明无任何一个神明ē-tàng亲像chit位创造宇宙万物,而且ē-tàng号令万物听从他ê旨意做tāi-chì ê真神。

第15到18节kah第一一五篇4到8节仝款,lóng提起列国ê神明lóng是虚假ê,是用人ê手所制造出来ê。诗人强调:制造kah敬拜偶像ê人,结果lóng会亲像chiah-ê偶像仝款,lóng无路用。先知耶利米则强调甚么人听信假先知ê话,甚么人kah假先知所受ê惩罚仝款(参考耶利米书十四:14—16),án-ne,甚么人拜偶像,hit人ê结局就是kah chiah-ê虚假ê偶像仝款,会hō͘上帝所毁灭。

第19到21节,chit段诗歌kah第1到4节仝款,呼召民众来歌颂o-ló敬拜上帝,mā用仝款ê颂词作结束。

重新查询 专卷研经 诗篇系列
错误回报,请联系comm[@]fhl.net