诗篇 130章1节 到 130章8节   背景资料  上一笔  下一笔
Chit-ê篇诗歌是属tī诗篇中七篇忏悔诗歌之一,另外六篇是:第六篇、第三十二篇、第三十八篇、第五十一篇、第一○二篇、第一四三篇等。Tī诗中,诗人恳求上帝ê怜悯、赦免,伊烧热切ǹg望ē-tàng得tio̍h上帝ê怜悯,其渴望之殷切,ná亲像守夜ê人teh等待天光一般ê迫切。Kā chit首诗篇列teh进入圣殿敬拜ê诗集中,真有意思,主要是teh kā人民讲,来到上帝ê圣殿敬拜,一定tio̍h先想一件事:如果上帝真正beh追究人ê罪过,有甚么人ē-tàng逃得过?无!仝款ê,teh敬拜上帝ê教会内,如果上帝追究罪过,有甚么人ē-tàng面对?因为án-ne,来到教会chit-ê信仰团体里,无法度夸耀家己ê能力,á是展宝家己ê奉献、服事有jōa-chē,上帝所赏赐ê恩典,远大大超过人所ē-tàng回应上帝赏赐hō͘人ê恩典。

第1到2节,「绝望」,表示性命陷入siōng谷底ê状况。诗人恳求上帝垂听伊ê呼叫、哀号。Chia ê「绝望」mā thang做「海洋深处」,表示kah死亡只是一墙之隔hit种ê接近。

第3到4节,诗人讲如果上帝「记录」人所犯ê罪过,无任何人ē-tàng逃得过上帝ê惩罚。原因是圣经一再提起上帝手中有本册子,记录tio̍h每一个人ê性命脚迹,chit本册子mā thang做是人ê「性命册」来看(参考腓立比书四:3,启示录二十:12)。M̄-koh上帝怜悯他ê子民,hō͘ in知影悔改、认罪,上帝就「赦免」in所犯ê罪过。

第5到6节,诗人表示因为上帝有丰富ê慈爱,因为án-ne,伊「仰望」上帝ê救恩,比守夜ê人「thèng候天光iáu koh khah迫切」,chit种迫切ê状况,tī诗篇中不时用「日」kah「夜」连做伙来表示,mā说明he是时时刻刻无停止ê意思。

第7到8节,诗人呼吁以色列同胞,一定会「信靠上主」,因为上主有「无变ê疼」,chit种爱ná亲像「丰盛」ê宴席,享受不尽。Chit种爱,是拯救ê气力。

重新查询 专卷研经 诗篇系列
错误回报,请联系comm[@]fhl.net