这是一篇诗人用来表白对上帝忠实信仰告白ê诗歌。

第1到3节，chit段诗歌表明诗人对上帝坚定不移ê信心，讲出伊对上帝ê忠实信仰，hit种信心ê坚定，有kah顶面上帝khiā起ê圣山锡安仝款，「永远屹立」bē摇动。 

第3节是真有意思ê经文，诗人认为一个人如果受tio̍h「邪恶人ê辖制」，结果就会成做邪恶人ê奴隶。M̄-koh上帝ê子民就算有时候会hō͘邪恶ê人辖制，mā只不过是目nih-á ê。因为上帝疼他ê子民，会真紧kā in救tńg来。

第4到5节，诗人祈求上帝赐福hō͘ hiah-ê「良善」、「遵守」上帝命令ê人。Án-ne，遵守上帝命令ê人，永远bē行入邪恶ê途径，像hiah-ê邪恶ê人仝款，最后就是「沦亡」死去。

「愿以色列永享太平」，诗人祈求上帝赏赐平安hō͘他ê子民，不koh受到战争ê侵袭，án-ne，in就bē受tio̍h邪恶者ê迫害而偏离上帝ê道路。