Tùi诗歌ê内容，thang看出是一首亡国了后写做ê诗，因为án-ne，是一首团体吟唱ê哀歌。

第1到2节，讲出诗人对上帝ê仰望，知影上帝ê伟大，面对上帝ê时，就知影家己ê卑微ná亲像奴仆kah女婢teh仰望主人ê赏赐仝款。In仰望tī「天顶掌权」宇宙万物ê上帝拯救in。

第3到4节，in期待上帝ê怜悯、拯救。Chit两节指出以色列人民所受tio̍h亡国了后ê凌辱。诗人讲in已经「受尽轻蔑」、「受尽富足人ê戏弄」，chia ê「富足人」指ê是俘虏in ê敌人，tī敌人掌管之下，in是「受有够」敌人ê「欺凌」。相对tī掌管宇宙万物ê上帝，in chiah ē-tàng得tio̍h尊严kah性命ê保障。