诗篇 102章1节 到 102章28节   背景资料  上一笔  下一笔
这是诗篇中七首忏悔诗中ê一首(另外六首是:第六首、第三十二首、第三十八首、第五十一首、第一三○首、第一四三首等),tùi第23到24节thang明显看出是属tī个人ê忏悔诗歌,因为án-ne真少用tī公众ê场合里。

第1到12节,chit段是诗人teh向上帝倾诉伊性命所tú-tio̍h ê苦难。Tī chit段倾诉ê诗歌中,诗人采用「野鸟」、「猫头鹰」、「雀鸟á」来描述家己ê孤独无助。因为伊感受bē-tio̍h上帝ê垂怜,即使向上帝祈祷mā得bē-tio̍h回应。

第4到5节、第11节等等,lóng清楚显示作者已经面临性命ê终点,陷入奄奄一息中间。诗人ê意思是若上帝iáu m̄出手救助,伊随时就会死亡。伊甚至认为仇敌敢嚣张地辱骂、戏弄、诅咒伊,就是因为上帝受气ê缘故(第9到10节)。

第13到22节,chit段诗歌thang看出诗人真可能是hō͘掠到巴比伦做奴隶,tī苦难中所写ê诗歌。因为tī巴比伦时常受tio̍h戏谑,ná亲像第一三七篇ê诗人描述in受掠tī巴比伦做奴隶ê时所经历到ê境遇仝款。Chia诗人清楚表示,in虽然活tī奴隶生活中,iáu-koh确信上帝就是in性命ê救主,深信有án-ne ê一工,上帝一定会救助in,带领in重回厝里园,并且复兴in ê国家。因为án-ne,in beh「为后代kā上主ê作做记号录落来,hō͘ hiah-ê未出世ê人晓得颂赞伊」,chit种信仰情操chiah是真实ê。

第23到24节,chit段诗歌thang看出诗人感受tio̍h家己壮年ê日子,却面临死亡ê来临,因为án-ne,祈求上帝ê怜悯,hō͘伊ē-tàng koh再继续生存落去。

第23到28节,thang看tio̍h诗人kā上帝ê永恒kah家己ê目nih-á做对比,写出家己心中ê感受,mā是伊ê信仰告白:诗人知影家己ê有限,kah上帝无穷ê能力。

第25到27节被新约希伯来书作者引用(参考希伯来书一:10—12)。

重新查询 专卷研经 诗篇系列
错误回报,请联系comm[@]fhl.net