诗篇 101章1节 到 101章8节   背景资料  上一笔  下一笔
这是一首国王á是统治者,teh回应上帝拣选伊做领袖ê诗歌,teh表明伊kā以上帝ê教导做中心,hō͘伊统治ê国家、治理之下ê人民看见上帝ê公义。

第1到2节,chit位君王表示伊beh学习上帝ê「慈爱kah公义」,chit两项lóng是上帝ê特性。表示chit位君王beh彰显上帝造伊ê形像teh治理之下ê子民面前。Chit位君王mā teh表示伊beh学习「诚实」,而这差不多是所有上帝拣选人来当奴仆siōng重要ê基础。因为君王lóng是上帝ê奴仆。伊所面对ê,是上帝。无诚实ê心,等于teh亵渎上帝ê神圣。Mā只有「诚实」chiah ē-tàng hō͘人过「纯洁」生活。

第3到4节,chit位君王无容允伊治理之下ê子民背离上帝,去作拜偶像(指邪恶)ê事。为tio̍h beh保持纯洁ê生活,chit位君王表明伊绝对m̄ kah欺骗、讲白贼ê人来往(第4节所讲ê「不沾染邪恶ê事」)。

第5到8节,当chit位君王有顶面所讲ê决心了后,这四节伊表明施政ê准则。有下列几点:一是beh消灭做假见证ê人(毁谤);二是心中狂傲ê人,chit种人mā是藐视上帝ê人;三是m̄免假冒伪善ê人担任官职;四是beh采用诚实、忠心ê人,好建造一个诚实ê国度。

第8节所提起ê「ta̍k工」,是teh指每工开庭审理国家案件,一定会详细审理,beh hō͘上帝所赐福ê国度,是真实无欺ê社会。

重新查询 专卷研经 诗篇系列
错误回报,请联系comm[@]fhl.net