箴言 8章1节 到 8章21节   背景资料  上一笔  下一笔
Chit章是teh歌颂智慧ê真、善、美。Ná亲像第四章所描述ê:智慧ê价值khah赢过金银财宝。Á智慧确实是无价之宝。因为án-ne,拥有智慧,等于hō͘性命有安全保障。作者tī chit章用几个段落以拟人化ê女性代名词描述智慧,包括有:

第1到3节,讲智慧tī十字路口喊hoah。

第4到11节,讲智慧ê珍贵比起金银珠宝iáu koh khah真实。

第12到21节,讲智慧ná亲像一个有才智ê女王,会秉公行义治理伊ê子民,á是ná亲像王后会辅佐国王,赢过所有臣仆。

第22到31节,智慧在世界之初就存在,伊ná亲像宇宙般浩瀚、广大,无法度测度。

第32到36节,智慧关系tio̍h人ê性命存亡,一定会注意。

    Ná亲像头前叙述过ê,作者tī chia用cha-bó͘人来teh代表「智慧」。智慧ê第一特性,就是「诚实」。「诚实」mā是人ē-tàng面对上帝而m̄免惊惶ê原因。Koh讲,智慧所代表ê mā是「适合」、「良药」般ê箴言,这kah诱惑人犯罪ê淫妇所用ê花言巧语完全无仝。另外一点是作者mā Tī chit段经文中讲出智慧ê特性,就是beh「敬畏上主」。Tī这基础上,智慧hō͘人有够额ê判断力、才智,因为án-ne,有智慧ê君王统治国家大业,国势会比拥有真chē军事武器koh khah强。无智慧ê君王,就算拥有koh khah chē ê军队,mā不过是「有勇无谋」,最后iáu是会落败。有智慧ê统治者koh khah会知影怎样「秉公行义」,hō͘国家长治久安。

    第1到5节,chia讲智慧mā teh chhōe人,ná亲像一个cha-bó͘人「khiā tī十字路口」kah人chē ê「城门边」呼喊,希望大家会注意听伊ê声音。这mā表示,智慧并无隐藏起来,却是tī真chē公开场合lóng thang听见,只要详细看、注意听lóng会发见。

	第6到11节,chit段经文讲述智慧ê内涵,就是智慧ê话「纯正」,是「真理」,会「憎恨虚谎」、「无歪曲,无乖谬」,koh khah重要ê,智慧价值赢过「白银」、「精金」、「珠宝」。

	第12到14节,chit段经文讲述智慧ê特质,是「有知识,有健全ê判断力」,而且有「坚强」ê意志力,其基础就是建立tī「敬畏上主」。因为智慧会痛恨「邪恶」、「骄傲、狂妄」,并讨厌「邪僻kah白贼」。原因是上帝喜爱人有真诚,kah谦卑ê心灵。

	第15到16节,若智慧是女性,chit两节讲述chit-ê有智慧ê cha-bó͘人,便是一个聪明有才智ê王后仝款,会辅佐君王知影怎样「秉公行义」。若是这有才智ê cha-bó͘人是女王,ná kui个宫廷ê臣仆lóng会需要chit位女王。

	第17节,chit节真重要,说明喜爱智慧ê人,一定会用心chhōe,当伊一chhōe,智慧就会来到chit种人ê身边。

    第18到21节,chit段经文讲述有智慧ê人,真清楚知影行tī「正义」、「正直」ê路上,而且会分享家己所得tio̍h ê,绝对bē吝啬、缩手。

重新查询 专卷研经 箴言系列
错误回报,请联系comm[@]fhl.net