箴言 6章1节 到 6章19节   背景资料  上一笔  下一笔
Chit章thang分做两段,其一是第1到19节,二是第20到35节。Tī第一段落真明显kah头前第五章kah第七章ê内容不连贯。尤其是chit段第1到19节ê内容,包括第1到5节ê替人作保ê tāi-chì,而第二段落是第6到11节ê讲tio̍h有关勤奋kah pîn-tōaⁿ ê问题,以及第三段落讲tio̍h有关hō͘人讨厌ê事等,ē-tàng看出并m̄是真有系统地论述某种议题。

Ná亲像头前谈及ê,chit段经文包含三个题目:一是有关作保ê事,二是讲tio̍h pîn-tōaⁿ kah勤奋之间ê差别结果,三是上帝所无欢喜ê事。

第1到5节,chit段经文严厉警告m̄-thang随便替别人「作保」,chia ê「作保」一词,是teh指替别人承担债务ê意思(参考廿二:26—27)。为人作保是一定tio̍h负担律法责任,若m̄是真清楚知影kui个缘由,以及家己ê能力有jōa-chē,就可能因为替人作保而为家己带来灾难,m̄是致使sàn-chhiah,就是hō͘家己反而成做奴隶(参考二十:16)。作者续落来用自然界中ê动物为例,伊讲若是发见家己因为替人担保而面临chit种危险ê时,就一定tio̍h「像鸟á挣脱罗网,亲像鹿逃出猎人ê手」,当做一种逃离性命危险ê陷阱仝款,拚命设法挣脱,免得受害。

第6到8节,作者则用蚂蚁为题材,劝勉人tio̍h像蚂蚁仝款地殷勤工作。蚂蚁虽然是所有动物中非常渺小ê昆虫之一,m̄-koh却知影「tī热天储备粮食,准备过冬」,án-ne就ē-tàng避免sàn-chhiah、iau饿ê威胁。

第9到11节,相对tī蚂蚁ê殷勤,就是「pîn-tōaⁿ ê人」。In只知影「困重眠」,而且会chhōe出真chē理由来合理化家己ê pîn-tōaⁿ。因为án-ne,对in来讲「sàn-chhiah会亲像强盗打击」来临,「缺乏会亲像带武器ê匪类攻击」临身,结果in会一贫如洗,当寒冬来临ê时,in必定会饥寒交迫,致使性命危险。

第12到15节,讲tio̍h一个欢喜卖弄唇舌ê「无赖」,in ê特长就是「四界讲白贼」,为tio̍h是beh欺骗。特别是in常常故意挑拨是非,引发真chē冲突、纷争,m̄-koh最后就是hō͘家己tam-tio̍h灾祸,致使性命受tio̍h「伤害」。

第16到19节,chia列出七项上帝所无欢喜ê行为,lóng是kah目睭、嘴舌、手、心、腿、意念、言语等有关。Chiah-ê原本是beh用来o-ló上帝ê慈爱,chit-má却hō͘人用来当做对敌上帝ê工具,mā就是人误用了上帝ê创造kah爱,chit种人乃是上帝所恨恶ê。

重新查询 专卷研经 箴言系列
错误回报,请联系comm[@]fhl.net