箴言 27章1节 到 27章27节   背景资料  上一笔  下一笔
Chit章khah sêng一般谚语,无特别明显对比ná亲像明智kah愚戆者之间ê差别。M̄-koh iáu是thang清楚看tio̍h对偶句话。

第1节,chit节thang参考路加福音第十二章16到20节,记载一位财主teh phah算怎样用伊ê财富过生活ê譬喻,结果耶稣讲tī上帝眼中,hit位财主是一个真「糊涂」ê人,因为当夜伊ê性命hō͘ 上帝收tńg去,则伊所有ê一切lóng会归tī别人。雅各书第四章13到14节对箴言chit节经文mā有真好ê回应。

第2节,chit节是劝人m̄-thang家己夸耀。Hō͘别人来夸耀会比较khah正确。先知耶利米认为若是beh夸耀,就beh夸耀认bat上帝,却m̄是人ê财富、智慧,kah气力(参考耶利米书九:23—24)。因为上帝chiah是性命ê主宰。使徒保罗强调若是beh伊夸耀,伊就只夸耀家己ê软弱(参考哥林多后书十一:30),若无,就是只夸耀上帝奇妙ê作为。Soah ē-tàng hō͘上帝o-ló ê人才是真实ê,m̄是「自吹自擂ê人」(参考哥林多后书十:17—18)。

第3到4节,愚昧ê人往往会表现出愤怒、嫉妒,in造成ê祸害khah赢过一切。因为愚昧ê人无法度控制情绪,只有聪明ê人知影怎样稳tiâu家己。

第5到6节,这是一般人真oh做会到ê事,因为真少人会接受「公开ê谴责」。所谓「做ê疼」,是teh指虚情假意,kan-taⁿ会是如同在伤口掖盐仝款。因为án-ne知影敌人ê热情,就一定tio̍h防范,即使是简单ê「相揽」mā一定tio̍h当心受骗。

第7节,这mā如仝一个句时常听tio̍h ê俗语:饥不择食。

第8节,chia所讲ê「离乡背井」,意思是teh指ná亲像今á日ê街友仝款。已经会失去thang安居ê处所,mā chhōe bē-tio̍h thang维护生活ê工作者。Chit种人ná亲像「鸟á离巢远飞」,án-ne就无法度孵卵生kiáⁿ,延续下一代。

第9到10节、第17节,lóng提起友情ê重要性。第10节ná亲像台湾俗语所讲ê:「远亲不如近邻。」好朋友是hō͘性命ê内涵koh khah升华。

第11节,thang参考第十章1节。智慧,thang tńg来堵别人ê讥笑、侮辱。

第12节,是对偶句话,thang参考第廿二章3节。「机警ê人」kah「愚昧人」是相对ê。前者知影躲开灾祸,后者kan-taⁿ会无知地接近而惹祸上身。

第13节,kah第二十章16节仝款。Lóng是teh提醒m̄-thang为生份人作担保ê事。

第14节,「清早吵醒朋友」已经是非常无知ê举止,加上「大声为伊祝福」,是koh khah无知。Chia ê「祝福」有「讲谄媚ê话」ê意思,表示虚假到极点。

第15到16节,thang参考第十九章13节、第廿一章9节、19节等等,表示唠叨ê妇人,会成做丈夫沉重ê负担。其实,chia ê「唠叨」就是teh指「泼妇」仝款ê泼辣凶悍。

第18节,chit节用「看管无花果树」来形容忠实tī主人ê奴仆,必定会得tio̍h主人ê赏识有好ê 回报。

第19节,chit节说明每一个人lóng应该知影家己是甚么款子,m̄免隐瞒,mā m̄免掩遮,koh khah无用做,因为甚么款子就是甚么款子。Á是允准以骗得了别人,却骗不了家己。

第20节,欲望就ná亲像阴府仝款深,永远bē满足需要节制。人ê欲望常常hō͘人m̄知满足。使徒保罗劝人tio̍h知足,特别是tī钱财ê事顶面,siōng容易hō͘人陷入诱惑里(参考提摩太前书六:6—10)。知影满足ê人,伊真容易生活,而且会得tio̍h性命ê欢喜。

第21节,一个人ê真实á无,lóng需要经过「炉火锻炼金银」一般。堪得考验ê人,chiah会hō͘人o-ló。

第22节,chit节thang参考第廿六章11节,表示愚戆人真oh改变,因为ná已经是僵化ê性格真oh改变。这通常mā是一般人所讲ê「本性难移」ê意思。

第23到27节,chit段经文用羊群来譬喻殷勤ê人努力做工,即使tī siōng困境ê时刻,mā会得tio̍h饱足。一个聪明ê人会知影运用家己手上有ê能力,认真工作,án-ne,伊kah厝里ê人就bē有缺乏。

重新查询 专卷研经 箴言系列
错误回报,请联系comm[@]fhl.net