箴言 21章1节 到 21章31节   背景资料  上一笔  下一笔
Chit章真清楚kā「公义」、「明智」kah「邪恶」、「不义」做对比,thang看出二者之间极大ê差别。

    第1节,所谓「随意支配」,意思是teh指「掌握」、「控制」。有kóa君王表面上看起来真风光、伟大,m̄-koh伊所做ê一切,若是无符合上帝ê旨意,所有chiah-ê lóng会成做泡沫消失殆尽。Ná亲像第十九章21节所提起ê仝款。

    第2节,chit节thang参考第十六章2节、第廿四章12节。这mā是kui本圣经ê教导,说明上帝看人心内ê动机m̄看外表(参考撒母耳记上十六:7,路加福音十六:15,帖撒罗尼迦前书二:4)。

    第3节、第15节,chit两节thang参考箴言第十五章8节。上帝拣选一个人立伊为君王,主要用意是chit位君王ē-tàng「秉公行义」,远比君王献祭非常chē koh khah重要(参考撒母耳记上八:15,列王记上十:9,弥迦书六:6—8)。只要君王知影「秉公行义」,伊正直ê子民就会欢喜,而「作恶ê人」就会「心怀惊惶」、不安。

    第4节,thang考诗篇第十四篇1节。「狂妄高傲」chit种人就是所谓骄傲ê人,chit种人心中bē有上帝。因为án-ne,箴言作者tī chia讲是「罪」。奥古斯丁讲:骄傲乃是罪恶ê源头。

    第5节,thang参考箴言第十六章3节。这是teh指tī计画任何事chìn前,会走chhōe上帝ê帮助kah指示。Chia所讲ê「富足」,是teh指知影满足,bē有贪婪ê心。

    第6节,thang参考二十章21节。Chia ê「不义之财」mā是teh指用无正确ê手段得tio̍h ê财富。

  第7节、第10到12节、第16到18节、第20到21节、第24节、第26到29节,chiah-ê经文lóng讲tio̍h邪恶人kah正直人之间ê差别;包括邪恶ê人ê行为「暴戾」,kan-taⁿ想beh「做pháiⁿ事」,in ê行为kan-taⁿ会带来「败亡」,因为in kan-taⁿ会想过奢华生活,却lán-si得伸手帮助穷困ê人,而且「任意挥霍」,结果必定「家产荡然」无存。Ná亲像愚戆人仝款,chit种人siōng特别ê所在,就是「自命不凡」,而且是「心骄气傲」,「贪求无度」,m̄-nā án-ne,in siōng会「讲白贼」,tī众人面前会「假做勇敢」。以上chiah-ê lóng是teh指行为邪恶ê人,而正直人不会án-ne。

第8节,chit节是对偶句型。以「犯罪ê人」kah「纯洁ê人」对应,in做事ê方式是「弯曲」kah「正直」对照。

第9节、第19节,thang参考第十九章13节b句,唠叨kah冤家,bē为厝里带来安宁,kan-taⁿ会加添生活ê困扰kah不安。

    第13节,chit节mā thang参考第廿四章11到12节。知影帮助「sàn-chhiah人」ê人,必定会得上帝ê看顾。自私ê人bē关心别人,chit种人tī tú-tio̍h困难ê时,mā bē有人帮伊。

    第14节,chit节thang参考第十七章8节、第十八章16节。讲出官场ê现象,m̄-koh tio̍h注意chit种「thang停止大受气」ê时间真短,利益一旦改变,过去所有o͘-se ê效果随时会消失。

 第22节、第30节、第31节,chit三节经文意思真相近,lóng tī说明敬畏上主chiah是真正「赢家」。诗篇第三十三篇16到19节ê诗人讲:「君王bē-tàng 因为兵chē 就得tio̍h 救;勇士bē-tàng 因为气力大就得tio̍h 救。Óa 靠马,无一定会得tio̍h 救;靠大气力mā 无一定ē-tàng 救人。上主ê 目睭看顾敬畏他ê 人,照顾仰望他ê 慈爱ê 人。他会救in ê 性命脱离死亡,保存in ê 活命度过饥荒。(全民版)」mā thang参考箴言第廿四章5节,传道书第九章16节、18节。真正有智慧ê人,比手上有武器ê人koh khah容易得tio̍h胜利。

第23节,有智慧ê人,伊开嘴讲话lóng会「谨慎」,免得惹来不必要ê「祸患」。

第25节,pîn-tōaⁿ ê人kah自刣仝款,因伊kan-taⁿ会为家己断了生路。


重新查询 专卷研经 箴言系列
错误回报,请联系comm[@]fhl.net