箴言 11章1节 到 11章31节   背景资料  上一笔  下一笔
Chit章继续第十章所提起ê「正直人」kah「邪恶人」之间ê无仝。

第1节,「不准ê天平」,意思是teh指seng-lí人用不准确ê秤欺骗顾客。同时mā是teh指司法人员用不公平ê审判对待hiah-ê sàn-chhiah ê人民。Chiah-ê tī先知ê文献lóng被严厉谴责。亲像先知阿摩司就bat指责伊hit-ê时代ê北国以色列社会,会「恨恶别人tī法庭上主持公道,公正无私」,而司法人员则「tī法庭上阻止sàn-chhiah人得tio̍h公平ê裁判」,原因是司法官接受o͘-se(参考阿摩司书五:10—12)。伊讲以色列ê商人、权贵者,是「贩卖老实人,kā无法度还债ê sàn-chhiah人以一双凉鞋ê价钱卖hō͘人做奴隶。In践踏贫民,推开路上ê sàn-chhiah人」(参考阿摩司书二:6—7),chiah-ê权贵阶级者甚至是用欺压贫困者为乐,in「扛高物价,用假法码kah小升斗欺骗顾客」、「用高价卖出劣等ê麦á」,然后koh去「chhōe个无法度还债ê sàn-chhiah人,用一双凉鞋ê价钱kā伊买了落来做奴隶」(参考阿摩司书八:5—6)等,以上chiah-ê lóng是主前第八世纪ê北国以色列景况。先知弥迦mā讲「邪恶别人里ê财物是用不诚实手段得来ê。In使用两样ê天平kah升斗」(参考弥迦书六:10)。

    第1节下半句讲「上主喜爱公平ê法码」,thang比较以西结书第四十五章10节:「Lín tio̍h 用公道ê 天秤,公道ê伊法,公道ê 霸特。(全民版)」先知以西结讲这是每一个君王应该有ê治国守则。

    第2节,「骄傲」kah「谦逊」是相对词,仝款,结果mā是「耻辱」kah「智慧」相对。Chia ê「智慧」,指ê是「尊荣」ê意思。Chit节mā thang参考以赛亚书第十章12节,讲上帝hō͘亚述ê骄傲受tio̍h严厉惩罚。

第3节、第4节、第5节、第6节、第10节、第13节等等,lóng提起「诚实」ê重要性,kah因诚实所带来ê功效。颠倒,就是「奸诈」ê人,chit种人原本想beh获取koh khah chē,结果tī上帝审判ê时kā全部落空。

第4节、第7节、第28节等等,这几节提起óa靠钱财是愚戆ê想法。Tī以西结第七章19到21节讲,tī上帝审判ê日子来临ê时chūn,金银珠宝是一点路用mā无,反tńg有害。

第8节,chit节ê「恶人难逃祸患」,chit句话mā teh表示邪恶ê人设计谋想beh陷害别人,结果是害了家己。Ná亲像以斯帖记中ê哈曼,设计beh杀害末底改,结果伊设计ê绞刑台,反tńg是绞死去家己仝款。

第9节、第11节、第13节等等,chiah-ê经文lóng tī提醒一件重要ê事,he就是愚戆人chiah会乌白讲,尽讲kóa无用ê话。第11节ê「市镇因邪恶人ê言语而倾覆」,chit件事thang tùi撒母耳记下第二十章14到22节所记载ê,示巴鼓吹人民离开大卫,结果亚比giú城差一点á就因为án-ne被大卫ê大将约押攻陷。

第14节,所谓「谋士众chē」,表示广纳建言,á是讲听tio̍h正确ê民声,会认真思考怎样hō͘所表达出来ê意见thang改善、落实。Chit种国家必定会兴旺。相对ê,就是独裁者,á是拒绝听从民意ê君王,只ē-sái国家陷入败坏灭亡之途。Chit件事mā thang tùi罗波安接落老父所罗门ê王位,因为拒绝注意听民众kah老臣ê建议,结果hō͘老父所罗门留落来ê以色列王国分裂做做为北国以色列,南国犹大。

第15节,chit节thang参考第六章1到5节ê解释。

第16节、第22节,chit两节lóng提起女性,会受人敬重ê cha-bó͘人,是「端庄」、有「智慧」者(见识)。第22节ê「猪」,tī以色列文化中表示无清气、lah-sap ê动物。

第17节,chit段经文提起「仁慈」kah「强暴」tú好颠倒;前者m̄-nā hō͘别人受益,受益koh khah chē ê是家己。Á后者则残害了别人,等于就是伤害家己。

第18到21节,chiah-ê经文lóng真清楚讲tio̍h「正直」kah「邪恶」之间ê无仝,ná亲像头前已经有提起过ê结果之差别。

    第23节,chia讲tio̍h「邪恶人ê期望干犯众怒」,这是因为邪恶人ê心思意念lóng是teh图谋家己ê利益,甚至会因为án-ne危害到别人ê时,只要有益tī家己ê,mā会无teh可惜去做,chit种人必hō͘人怨。

第24到27节,chit段经文提起「慷慨好施」ê美德,m̄-nā bē「穷困」,iáu会得tio̍h koh khah chē ê祝福。Tī第廿二章9节讲:「好心ê 人会得tio̍h 福气,因为伊 kā 米粮分 hō͘ sàn-chhiah 人。(全民版)」比较khah使徒行传第二十章35节,使徒保罗讲「施比受koh khah有福」。

第29节,chit节所讲ê「带灾难进家门」ê人,就是愚戆人,á是邪恶者。Chit种人是过奢华ê生活。因为án-ne,必定会「倾家荡产」,结果只好去做「明智者ê奴仆」。另外一方面,会「带灾难进家门」ê人,mā是残暴ê人,结果必定会连累厝内人而受tio̍h惩罚。像创世记第三十四章描述ê西缅kah利未就是siōng好ê例。

第30节,chia所讲ê「结性命ê果子」,表示「义人」会影响真chē身边ê人。相对ê是残暴ê人,kan-taⁿ会「残害」koh khah chē人ê性命,对别人一点利益mā无。

第31节,chit节ē-sái讲是第十一章ê总结。Ná亲像头前所讲ê,义人应该lóng有真好ê结果,m̄-koh作者iáu是提醒大家注意一件事实:tī chit世间,义人并无一定会兴旺,甚至「正直人在世间尚且遭报」,这mā是约伯记作者一再表达ê现象,何况是作恶多端ê人,伊岂m̄是koh khah会遇tio̍h极大ê报应!


重新查询 专卷研经 箴言系列
错误回报,请联系comm[@]fhl.net