箴言 10章1节 到 10章32节   背景资料  上一笔  下一笔
Tùi第十章到第廿二章16节,是箴言ê第二部分,mā hông称做「所罗门ê箴言」,总共收录了375则。在列王纪上第四章32节讲所罗门王总共做「三千句箴言」,因为án-ne,有kóa圣经学者认为这375则就是tùi这「三千句箴言」中摘录来ê。

Chit章siōng明显ê特色,就是用对比ê句型写出来,kah一般所讲ê「谚语」仝款。Kui章一再呈现编者对智慧ê观点:正直、才智、诚实、正义koh有疼心、敬畏上主。

第1节,「明智」kah「愚戆」是相对句,而「老父得意」kah「老母烦恼」mā是相对。真清楚,作者beh表示「明智ê kiáⁿ」,所做ê事,必定会加添家族ê光彩,m̄-koh相对ê,「愚戆ê kiáⁿ」只ē-sái家族蒙羞,hō͘怀伊养育伊长大ê老母伤心。

第2到3节,「不义之财」,指ê是用不正当手段得tio̍h ê财富。亲像用欺骗、抢劫夺取等方式。Chiah-ê财富m̄-nā对人无帮助,反tńg会hō͘人受tio̍h上帝ê惩罚。

第4到5节,「勤劳」ê人,就算tī siōng恶质ê环境中,iáu是会得tio̍h收成。M̄-koh相对ê是「pîn-tōaⁿ」ê人,就算有好ê穗等待收割mā会疏忽。二者ê结果就会产生成做「富足」kah「sàn-chhiah」ê差别。

第6到7节,chia提起「正直人」kah「邪恶人」,是完全颠倒ê族类。In所得tio̍h ê结果mā是完全无相仝;前者被「怀念」,后者是「身败名裂」。

第8到11节,段经文讲出「聪明人」ê特质,就是知影「诚实」、「坦白」,m̄-koh相对ê是「愚戆人」ê特徵,就是会讲「愚妄」ê话、「诈欺」、隐藏「真相」kah「残暴」。

    第12节,chit节用「憎恨」kah「爱」相对照,说明憎恨往往会挑起无聊ê争端,m̄-koh真实ê疼却ē-tàng「掩盖一切过错」。

    第13到14节,chit两节用「明智人」kah「愚妄人」对照。前者会进步因为伊不断追求新知,相对ê,后者只知影四界「闯祸」而已。

	第15到16节,thang kā第15节对照第2节来看,清楚说明财富一定tio̍h得来正确、诚实,若无,koh khah chē ê财富kan-taⁿ会带来损伤,甚至会亲像第16节所讲ê「招引koh khah chē ê罪」而已。Koh讲,有财富mā一定tio̍h ná亲像第16节所讲ê会「行善」帮助别人,án-ne chiah是真正拥有财富ê意思。

	第17节,只有明智ê人chiah会「听从训诲」,因为伊知影he是伊ê生存之道。相对ê,明知he是错误,却坚持m̄承认犯错ê人,确实是愚昧至极,因为jú隐藏所犯ê过错,到最后就是kan-taⁿ会hō͘家己koh khah孤独无助,hō͘家己「身临险境」。

	第18节,chit节真值得注意,作者khah强调ê是:心中「怀忿恨」ê时,往往会hō͘人因恨而扭曲真相,加添不实在ê话,反而成做「散播谣言」ê人。

第19到21节,chit三节讲出语言kah智慧之间ê关系。作者讲有智慧ê人知影tio̍h讲造就人ê话,m̄-koh,愚戆ê人一讲话就会伤人。

第22节,作者提醒咱,除了勤劳之外,想beh致富尚且需要聪明ê智慧,chit种智慧,乃是tùi上帝来ê赐福。上帝赏赐财富hō͘人,koh加上智慧,主要是希望人ē-tàng好好á管理世界。

第23到25节,chia ê「愚妄人」kah「邪恶人」lóng仝款ê一类,chit种人mā就是m̄相信上帝ê人,mā ē-sái讲是骄傲ê人。相对tī chit种人,就是「义人」、「正直人」、「明达人」等是仝一个类,chit种人必定有上帝引chhōa kah看顾,所做ê事lóng thang稳妥。

第26节,「像牙缝里ê醋kah眼里ê烟」,这lóng是感觉器官敏感地带,牙缝里ê醋,ē-sái嘴齿酸痛,ná亲像患有牙周病ê人,无论lim冷水á是烧水,lóng会感觉疼痛无停。「眼里ê烟」会熏得目屎直直流下。这两句话lóng是表示真oh忍受ê意思。作者讲「m̄-thang chhōe pîn-tōaⁿ人替你做事」,因为chhōe chit种人等于家己讨皮痛仝款。

第27到32节,chit段经文是继续以「善」kah「恶」做对比。Ná亲像诗篇第一篇诗人所讲ê仝款。

重新查询 专卷研经 箴言系列
错误回报,请联系comm[@]fhl.net