这是关系收成节ê献祭规矩，mā同时记载tī利未记第廿三章15到22节。

第26节，chia讲「七七收成节」，这是tùi Pôaⁿ过节后面算起，七个礼拜ê隔工，另外一个名称就是五旬节。这mā是开始收割ê季节，ài kā「新收成ê谷物作素祭」献hō͘上帝。因为是开始收割，所以chiah有所讲ê「新收成ê谷物」，mā就是所讲ê「初熟」谷物tio̍h献hō͘上帝。Chit工mā是守安息日ê规矩，bē-tàng做工，只有ē-tàng敬拜上帝。

第27到29节，chit段经文是关系献祭物件ê规定，除了烧化祭mā lóng tio̍h配合素祭。

第30到31节，另外tio̍h献上一只公山羊作赎罪祭，为人民行洁净礼。而且是每工ài献祭，表示感谢上帝赏赐每工ê食物。