Chit段是第二首诗歌，chit段诗歌真清楚讲出未来ê预言，表示以色列chit-ê国家会强盛，á摩押会被以色列统治。

第14到16节，chia所讲ê kah前段第3到4节所讲ê仝款。巴兰真清楚对巴勒表示，上帝ài伊用警告回应巴勒。

第17到19节，chia预言teh beh tī以色列人民中间出现一位英明ê君王。Chit位君王是甚么人？并无说明。M̄-koh照撒母耳记落来第八章2节ê记载，是大卫phah败摩押，hō͘摩押臣服tī以色列王国之下；tī撒母耳记落来第八章11到12节，进一步提起大卫王朝征服了以东、亚扪、非利士、亚玛力、琐巴等国á是民族。Chia所讲ê「西珥」，指ê就是以东ê另外一个名称。

第20到24节，chit段诗歌是针对亚玛力人、基尼人，并且mā预言了亚述ê兴起。Á第24节b句讲出一个国家「基提」ê兴起，它beh取代亚述，m̄-koh它mā会hō͘消灭，只有以色列民族thang永远存在，原因是有上帝kah in同在。

「基提」，这是teh指甚么人？若是照历史ê演变，是巴比伦帝国消灭ê亚述帝国，á巴比伦帝国koh被波斯帝国灭亡，然后波斯帝国koh被希腊帝国所取代。

第25节，就án-ne，巴勒kah巴兰lóng各自tńg去厝里。

Tùi以上两章记载巴兰所预言ê诗歌中，看tio̍h巴兰原本受聘是beh去诅咒以色列人民ê，m̄-koh伊听从上帝语，m̄-nā无诅咒，颠倒ê是一再祝福以色列。Mā因为án-ne，伊无tùi巴勒得tio̍h任何报酬。是m̄是因为án-ne soah心中不乐，后来就tī回程途中，tī比珥引诱真chē以色列人民弃sak上帝（参考三十一：16），这是伊后来tī摩西派出ê祭司以利亚撒ê kiáⁿ非尼哈，攻击米甸人ê际，mā被杀了ê原因。因为chit件事mā hō͘真chē人认为巴兰m̄是先知，只是一个听得tio̍h上帝启示话语ê「术士」而已。