民数记 23章13节 到 23章30节   背景资料  上一笔  下一笔
Chit段经文thang看出摩押王巴勒对巴兰所传达ê信息深深无掠做当然,认为巴兰是因为看见扎营ê所在有真chē以色列人民,心生惊惶ê关系,因为án-ne,带伊到另外一个扎营处人比较少ê所在,有可能因为看见比较少ê以色列人民,thang hō͘伊敢讲出诅咒。M̄-koh,结果iáu是仝款,因为巴兰一定tio̍h照上帝启示伊讲话。

第13到15节,这是巴兰第二pái对巴勒提出仝款ê要求,建造七座祭坛,mā是仝款ài tī每座祭坛顶献「一头公牛kah一只公羊」。

第16到17节,上帝像第一pái仝款,显现hō͘巴兰看见,并且kā伊讲该讲。

第18到24节,chit段是巴兰向巴勒讲出上帝ài伊传达ê信息。Tī chit段信息中,巴兰讲出上帝ê特性:上帝讲出ê应允,一定实现。因为他是一个信实ê上帝;以色列人民以上帝为in ê王,因为án-ne,王必定会保护他ê子民;任何「法术」、「占卜」等lóng m̄ ē-tàng危害以色列人民。以色列民族会亲像「挺身ê母狮」、「强悍ê公狮」,用chit种ê形容词来表示对以色列人民ê祝福。
第25到26节,巴勒真无欢喜巴兰m̄-nā无诅咒以色列人民,iáu为in祝福,m̄-koh巴兰koh一pái强调,伊一定tio̍h遵照上帝讲话。

第27到30节,chit-pái巴勒带领巴兰到一个「比珥山山顶」,伊想,tī chia看bē-tio̍h以色列人民,án-ne有可能巴兰就ē-tàng讲出诅咒以色列人民来。巴兰对巴勒iáu-koh提出仝款ê要求,建造七座祭坛献烧化祭,当做走chhōe上帝旨意ê方式。

重新查询 专卷研经 民数记系列
错误回报,请联系comm[@]fhl.net