民数记 22章1节 到 22章20节   背景资料  上一笔  下一笔
Tùi chit章开始一直到第三十六章,thang讲是民数记ê下篇。主要是teh描写以色列人民tī约旦河东边、摩押平原ê境遇,并且准备进入迦南地。第廿二章到廿四章,lóng是记载有关巴兰ê故事,是非常戏剧化ê一段故事。

第廿二章真有意思ê讲tio̍h巴兰受差遣ê经过。巴兰是甚么人?圣经并无详细说明。伊是一个thang明白上帝旨意ê人,因为án-ne,受tio̍h摩押人kah米甸人首领ê肯定,请伊祝福in ê军人,thang hō͘ in ē-tàng战胜以色列人民。其实,作者tī kui个故事中所beh表达ê信息是:真正属tī上帝ê奴仆,一定tio̍h遵照上帝ê指示讲话,á m̄是跟tòe家己ê意思讲话。这mā是巴兰回应摩押王所讲ê一句话:「我只有ē-tàng讲上帝ài我讲。」

Chit段经文讲述摩押王巴勒想用o͘-se ê方式,hō͘会晓上帝旨意ê巴兰讲出诅咒以色列人民。上帝用真chē方式beh改变巴兰kah巴勒之间ê关系。

第1节,chit节讲以色列人民并无因为占领了亚摩利人ê城镇、土地,就停留落来,in是继续前进到à摩押平原之地,mā就是约旦河东岸ê所在,tī「耶利哥对岸扎营」。

第2到6节,摩押王巴勒因为惊惶以色列人民tī战争上以强悍ê手段对付in,因为án-ne,kah米甸人商量,决定邀请比珥ê kiáⁿ巴兰来帮忙in。伊派使者去对米甸ê首领讲:以色列人民tùi埃及出来,人数真chē,希望ē-tàng同齐去邀请巴兰来「诅咒」in。巴勒王听讲巴兰而且知影只要巴兰「祝福,人民就tio̍h福」;巴兰「诅咒,in就受拖累」,这表示巴兰身上有特殊ê能力。

第7到12节,就án-ne巴勒kah米甸人ê首领就án-ne决定,派人带「占卜ê礼金」去请巴兰,转达巴勒kah亚扪人首领ê意思。巴兰第一个反应是beh请求上帝ê旨意chiah ē-tàng回答。

上帝问巴兰tī in tau做客ê是甚么人?其实,上帝án-ne问,已经hō͘巴兰知影m̄免问上帝旨意了,上帝真清楚chiah-ê事。巴兰并无讲白贼,伊真清楚回答上帝讲,chiah-ê讲客是beh伊诅咒以色列人民。因为是上帝亲自带领以色列人民来到chit-ê所在,当然bē允准巴兰去做chit种上帝无欢喜ê事。因为án-ne,上帝阻止巴兰讲诅咒以色列人民。他清楚表示他kah以色列人民同在。这表示就算巴兰发出诅咒,mā是无用。

第13到19节,巴兰听上帝,回覆chiah-ê来造访祈求协助ê亚扪人领袖kah巴勒特使,ài in tńg去。因为上帝m̄准伊做chit种诅咒以色列人民ê事。

巴勒显然不死心,继续派人去向巴兰游说,并表示hō͘ in koh khah chē ê酬金。M̄-koh巴兰真清楚,就算kā巴勒王宫所有ê金银珠宝hō͘伊,mā是无用。因为伊「无法度tī任何大细事顶面违背上主」ê命令。这表示巴勒是一个真忠实tī上帝ê奴仆,无受o͘-se á做出违背上帝旨意ê事。

第20节,上帝ài巴兰kah chiah-ê人去见摩押王巴勒,m̄-koh一定会照上帝ê命令讲话。

重新查询 专卷研经 民数记系列
错误回报,请联系comm[@]fhl.net