Chiah-ê受派去勘查ê探子照摩西ê指示前去，mā照摩西ê要求，带tńg来当地ê葡萄tńg来做证研究。

第21到22节，chia讲chiah-ê探子进入迦南地了后，发见了几个族群，包括有「亚希幔族、示筛族、挞买族」等，chiah-ê lóng是「巨人亚衲ê后代」，这表示chiah-ê族群lóng是生做非常高大，in甚至认为比起in，家己ná亲像草蜢á仝款ê渺小（第33节）。Chit句「希伯仑比埃及ê琐安早七年建造」，这表示希伯仑已经是一个城市à。Mā说明迦南地确实是一个真进步、繁荣ê所在。

第23到24节，chia讲探众kiáⁿ砍了一截葡萄枝，顶面有一大串葡萄，无想tio̍h这截葡萄枝竟然需两个人扛chiah有办法，表示迦南土地果然是ná亲像上帝所讲ê，是一个流奶kah蜜之地。另外，in mā带tńg来石榴、无花果等，chiah-ê lóng是迦南地出名ê果子。另外iáu有一种chia无写出来ê，就是橄榄。