尼希米记 11章1节 到 11章36节   背景资料  上一笔  下一笔
Tùi chit章开始,koh以尼希米ê记事为主。Tī头前第八到十章,是关系以斯拉ê记事。

第十一到十二章26节是一连串ê名单。Chiah-ê名单是记载迁徙tòa入去耶路撒冷城ê各族代表。

第1到3节,chia一开始就讲「人民ê众领袖lóng tòa tī耶路撒冷;其余ê人民抽签,每十家选出一间tòa tī耶路撒冷,chhun落来ê就tòa tī其他城镇。每一个自愿tòa tī耶路撒冷ê人,民众lóng o-ló伊。」chit句话读起来感觉真奇怪,为甚么会án-ne?若是对照第七章4节ê「城是阔koh 大,总是,其中人民真少,厝iáu 未起好。(全民版)」chit节经文,就thang明白为甚么tio̍h用抽签ê方式,每十个家庭选出一个去tòa tī耶路撒冷城à。这是因为耶路撒冷城是外族人siōng欢喜攻击、洗劫ê对象。特别是tī主前586年被巴比伦皇帝尼布甲尼撒摧毁hit-ê城后,耶路撒冷城差不多成了废墟,甚至tī相连续回乡ê时代,mā无人欢喜khiā起tī耶路撒冷城,这真可能kah本来hit-ê城城墙已经残破了,因为城墙若是破损ê,表示hit-ê城tī安全上有问题(参考一:3),尼希米就是为tio̍h修建城墙而回乡ê,伊家己出钱koh出力,chit-má城墙已经修建好势,应该有koh-khah chē人tòa入去来chiah-tio̍h,何况圣殿mā已经重建完成(参考以斯拉记六:13—18;尼希米记十一:19—23),如果koh再不住入来,hō͘ hit-ê城成做人民聚集ê中心,he是真奇怪ê事。

    第4到9节,chit段经文是记载各支族领袖tòa入去耶路撒冷ê名单。M̄-koh chia只提供犹大支族kah便雅悯支族ê名单,这已经teh隐喻回乡ê人潮中,虽然讲是十二支派,其实,北部支族ê人lóng已经被亚述帝国贩卖到世界各地去做奴隶了,ē-tàng 回乡ê人其实无chē,差不多lóng是南部犹大支族kah便雅悯支族ê人。

第10到14节,chit段是祭司代表名单。主要以西莱雅、亚大雅、亚玛帅等三大家族为主。

第15到18节,chit段是利未支族。Chia特别强调利未人共计有「两百八十四人tòa tī圣城耶路撒冷」,表示利未人mā有守护hit-ê城ê使命,甚至比一般民众koh-khah重视守城ê责任。

第19节是圣殿守卫,共计有「一百七十二名」。

第20到21节,chia虽然讲「其余ê以色列人kah余下ê祭司、利未人tòa tī犹大ê其他城镇、in祖业ê所在」,m̄-koh这并无表示in就m̄免负担圣殿kah圣城ê守卫工作,in mā是beh轮流派人来担任守护ê工作。

第22到23节,chia讲「王有明文规定」,是teh指大卫时代所订出来ê律法,规定圣殿敬拜一定tio̍h有音乐,一定tio̍h由利未族人中选派专人负责音乐ê事务(参考历代志上廿五:1—7)。

第24节,chit节真重要,说明比伊希雅是犹大支族ê人,伊teh代表回乡后ê以色列人民驻在波斯,ē-sái讲是担任外交使节ê角色。

第25到30节,chit段经文是记载犹大支族khiā起ê城镇。

第31到36节,chit段经文记载便雅悯支族khiā起ê城镇。
重新查询 专卷研经 尼希米记系列
错误回报,请联系comm[@]fhl.net