若根据约翰福音第六章14到15节ê经文来看，因为chit件五饼二鱼ê神迹，hō͘群众大大tio̍h惊，mā因为chit件神迹，群众认为耶稣就是「hit-ê beh到世间来ê先知」，就án-ne想beh拥护伊做王。这mā是耶稣想beh马上「遣散群众」，而且先送行门徒ê原因。免得门徒受tio̍h迷惑á失去传扬上帝国信息ê决心。尤其是成做人ê耶稣，伊留落来家己「家己上山祈祷」（参考马太福音十四：23），hō͘家己时刻kah上帝保持亲密关系。

He是暗时时刻，门徒先搭船beh过去「伯赛大」，结果却tú-tio̍h强大ê逆风，致使in ê航行非常困难，kui个暗时lóng tī加利利湖上摇晃。

第40节，门徒看见耶稣行tī水面上，起先认为是「鬼魂」。In第一个反应是「惊喊起来」，koh来是「非常惊惶」，而作者tī chia是用门徒ê「思想迟钝」来表示in对耶稣ê认bat真少。