这是两个譬喻，m̄-koh却是仝款ê意思。

「无人the̍h新布去补旧衫裤」，这是当时流行ê一句俗语。Kah第22节ê「无人the̍h新酒装tī旧皮袋里」是仝款ê。因为新布需要先浸过水，hō͘新布ê张力减少，相对ê旧衫裤张力小了真chē。Á新酒张力真大，旧皮袋ê弹性则少了真chē。Lóng无适合放做伙。

「所以，新酒tio̍h装tī新皮袋里」，chit句作为顶面所讲两个譬喻ê结语。表示耶稣是带来一个全新ê时代，是过去犹太人从来m̄-bat见过，mā是in等待真久ê弥赛亚。taⁿin一定tio̍h kā过去hō͘ in堕落ê、错误 ê信仰观念kah认bat更改过来。Án-ne，chiah会认bat耶稣所代表ê，就是上帝ê救恩已经来到。