马可福音 15章21节 到 15章32节   背景资料  上一笔  下一笔
Chit段是描述耶稣tùi彼拉多法庭到各各他钉死tī十字架ê过程。

第21节,罗马兵「强迫」古利奈人「西门」替耶稣giâ起十字架,并且讲chit位西门是「亚历山大kah鲁孚ê老父」。Tī罗马书第十六章13节使徒保罗mā提起鲁孚,讲伊「是主内一位杰出ê工人」,可见西门in一家人后来tī早期教会真活跃。

第22节,「各各他,意思是就是『髑髅冈』」,表示chia是刑场,被处死ê人往往尸体无收拾,遇tio̍h野兽á是飞鸟来啄食。

第23节「没药调制ê酒」,这是古早时用来减轻病患ê疼痛来调制ê(参考箴言第三十一:6)。M̄-koh耶稣是甘愿承担人类因为罪所带来ê苦难,因为án-ne,伊拒绝减轻痛苦。

第24节,chiah-ê兵丁「抽了签」,然后kā耶稣ê衫裤分了,chit种情形tú好是诗篇第廿二篇18节诗人所控诉ê诗歌。

第25到27节,chia讲钉死耶稣ê时间是上午九点。罪名是「犹太人ê王」,而且同时有两个囚犯mā tòe耶稣分别钉死tī十字架ê左右两pêng。
第29到32节,围观ê群众,á是hit群陷害耶稣ê犹太人宗教领袖,lóng继续teh嘲(sau)笑耶稣,á chit时chūn ê耶稣,iáu未断气。因为án-ne,chiah-ê人故意án-ne做,tú好讲出in心中连一点点悲悯ê心mā无,mā tú好讲出in会大喊钉死耶稣,kah故意陷害耶稣ê心态。

重新查询 专卷研经 马可福音系列
错误回报,请联系comm[@]fhl.net