犹大带来掠耶稣ê人是犹太人siōng koân议会派出ê「圣殿警卫队」（约翰福音十八：3）队员。

第44节，原本是表明亲密关系ê「吻」，出卖耶稣ê犹大将它改变成做「出卖」ê记号。犹大iáu特别交带chiah-ê警卫掠tiâu耶稣了后，tio̍h「严密看守，kā他押走」，chit种语句表示伊代表犹太人领袖阶层，无koh是耶稣ê门徒。因为án-ne，第45节ê chit句「老师」，是非常虚假ê称呼。

第46到49节，门徒中间可能有「激进党派」ê人the̍h出刀来抵抗，而且反应真紧gia̍h刀向「大祭司ê奴仆」phut去，削掉chit-ê奴仆一个耳á。耶稣虽然表示不满chiah-ê警卫ê做法，m̄-koh伊无反抗，伊知影需要顺服上帝ê旨意。
第50节讲门徒lóng「弃sak耶稣，逃走了」，回应了第27节伊对门徒ê预言。
第51到52节，chit两节并无提起chit位siōng慢离开现场ê青年是甚么人。

M̄-koh伊应该mā是chit-ê tāi-chì件ê见证人。

利用深夜来掠耶稣，mā tú好反应了犹太人领袖深惊大日时头掠耶稣会引起民众骚动（参考马可福音十一：18、十二：12、十四：2）。