马可福音 1章40节 到 1章45节   背景资料  上一笔  下一笔
癞ko病人ē-tàng想出所有ê办法来到耶稣面前,必定是冒了真chē性命危险。因为chit种病人是被隔离ê,若beh入城一定tio̍h大声hoah家己是「无清气」ê人(参考利未记十三:45—46)。因为án-ne,当伊来求耶稣医,必定是因为伊听tio̍h关系耶稣ê事,hō͘伊有充分ê信心,相信耶稣ē-tàng医伊。为tio̍h án-ne,hō͘耶稣动了「怜悯ê心」,并且「伸手摸伊」。怜悯ê心,mā teh表示上帝对人类苦难ê拯救行动。耶稣伸手摸伊,这非常违反当时hiah-ê人ê认知,因为癞ko病属tī无清气,耶稣若是一摸伊,就连家己mā无清气à。耶稣ài伊照摩西律法规定去办理所有ê手续,hō͘家己恢复洁净ê人,thang过社区共同生活。

Ē-sái讲是chit-ê人并无照耶稣嘱咐ê「mài kā任何人讲」,却是大力宣扬伊领受tio̍h ê恩典。结果chit-ê人所做ê,反tńg造成耶稣福音工作ê障碍,耶稣只好避到偏僻ê所在。M̄-koh,民众为tio̍h beh看见耶稣ê特有能力,犹原「tùi各地来chhōe伊」。

重新查询 专卷研经 马可福音系列
错误回报,请联系comm[@]fhl.net