玛拉基书 4章1节 到 4章6节   背景资料  上一笔
Chit章真清楚teh说明上帝审判ê日子来临ê时,狂傲邪恶ê人lóng kā hō͘上帝所消灭。M̄-koh相对ê是hiah-ê敬畏上帝ê人,会进入永恒中。这是继续tio̍h第三章17到18节所提起ê,当上帝「采取行动ê hit工」,上帝会kā「义人」kah「恶人」区分出来,并且hō͘众人清楚知影上帝m̄-nā区分chit两种无仝ê人,而且他对待「义人」ê方式,必定kah对付「恶人」ê方法无相仝。

第1节,chia用「hit日子紧到à」,kah头前所提起ê当上帝「采取行动ê hit工」是仝款ê。Á「狂傲邪恶ê人」,意思是teh指hiah-ê心中无上帝,á是藐视上帝神圣ê人,上帝对付chiah-ê人ê方式,就是用ná亲像大火teh烧「麦hiūⁿ仝款」,真紧to̍h消失,「lóng无存留」。Chit种ê譬喻讲法tī新约福音书里耶稣基督ê教导中一再出现(参考马太福音三:12、七:19、十三:38—42,约翰福音十五:6),lóng提起用火烧掉无好ê部分。

第2到3节,是teh肯定hiah-ê tī上帝记念册中有美好记录ê人,上帝m̄-nā会注意听in祈祷ê声音,mā会赏赐in特别ê恩典,这恩典包括:一是有阳光照耀,二是性命得tio̍h医。

「日头照耀」,tú好kah头前第一节ê用焰火烧麦稭相对照。阳光kah焰火,这是完全无相仝ê「光」,一个是来自上帝ê祝福,会hō͘人ê心温暖,充满希望。另外一个人是会hō͘人ê心胆寒,Tī痛苦中失去ǹg望。Koh讲,阳光mā是teh表示性命ê活力。所以tī chia用像「小牛仝款蹦跳,快乐」来形容chiah-ê tī上帝记念册中ê义人。

第4节,chit节特别提起「ài会记得我奴仆摩西ê教示」,chit句话已经清楚说明指ê就是摩西律法经册,是上帝tī「何烈山颁布」hō͘摩西,「ài所有以色列人遵行ê律法诫命」。

第5节,chit节是非常重要ê一节经文。Chia真清楚讲tio̍h tī上帝审判ê「日子来到以前」,一定会先差遣他忠实奴仆「先知以利亚」来临。照列王记下第二章11到12节ê记载,先知以利亚是hō͘上帝直接用一台火马车接tio̍h天顶去。Taⁿ伊teh beh koh来,而且是tī上帝审判chìn前临到。耶稣基督则真清楚指出行洗礼约翰就是先知以利亚来临ê记号(参考马太福音十一:14)。可见tī耶稣基督时代,咱人á是teh thèng候先知以利亚ê来临,因为先知玛拉基传出了chit-ê信息。

第6节,先知玛拉基强调若是真正遵照摩西kah先知以利亚ê教导ê人,每一个家庭必定会teh过和谐ê生活,而án-ne就bē koh一pái受tio̍h上帝严厉ê审判。

重新查询 专卷研经 玛拉基书系列
错误回报,请联系comm[@]fhl.net