咱koh一pái看tio̍h作者路加真清楚交带耶稣出世时代背景――罗马皇帝奥古斯都，以及叙利亚总督居里扭。

A. 罗马帝国之所以命令所有被统治区ê人民tio̍h办理户口登记，主要ê目的有二：其一是为tio̍h beh徵税，这是凡年满十四岁ê人lóng得纳人头税，直到年满六十五岁。另外一个是 徵兵，m̄-koh，犹太人m̄免服兵役，因为in ê叛乱事件siuⁿ chē，徵犹太人去服兵役，等于提供in武器仝款ê危险。M̄-koh，犹太人bat为tio̍h beh抗拒chit种「人头税」，有过 「叛乱」，结果iáu是hō͘镇压了落来。

B. 因为居里扭是tī主前六年到四年，kah主后六年到九年担任叙利亚ê总督，因为án-ne，如果这是第一pái进行户口普查，án-ne，耶稣应该是tī主前六年到四年之间降生chiah-tio̍h。 C. 作者路加特别提起耶稣降生ê所在是tī马槽，原因是客栈已经客满。原来回乡去登报户口ê人满多ê。马槽，用脚头u想mā知这是马只teh歇困ê所在，mā是马夫过瞑ê所在， 耶稣就tī chiah-nih卑贱ê所在降生人间。