路加福音 1章57节 到 1章80节   背景资料  上一笔  下一笔
行洗礼约翰ê出世,chiah解除撒迦利亚因为心中怀疑所带来ê「惩罚――哑口」,伊一开嘴就是颂赞上帝ê恩典。

A. 第68到79节,就是撒迦利亚颂赞ê诗歌。因为chìn前有天使ê预言告知,所以撒迦利亚知影伊ê gín-á约翰将来所beh扮演ê角色,以及工作,因为án-ne,chit首诗歌mā是teh表明伊对家己ê gín-á约翰ê认知,亲像第76节形容约翰是「至koân上帝ê先知」,á tī第32节天使kā马利亚讲中,形容耶稣kā「hông称做至koân上帝ê Kiáⁿ」,这 明显ê讲出in两人之间ê位阶无仝。Kah后来行洗礼约翰对询问伊身分ê人,伊lóng真清楚讲出家己是替chit位「至koân上帝ê Kiáⁿ」脱鞋á mā不配(路加福音三:16)。

B. 传福音工作ê人,就是一定tio̍h先清楚家己ê角色,知影家己ê使命。绝对无法度hō͘家己「成做」上帝,这是非常重要ê认bat。

C. 看,行洗礼约翰是tòa tī「旷野」,koh tī「旷野」直到伊出来传福音。旷野,这是训练一个人顺服tī上帝ê旨意siōng好ê场所。Ná亲像摩西hō͘ 上帝呼召beh去埃及带以色列人出埃及ê时,上帝kā伊带到「旷野」,用长到四十年ê时间训练伊hō͘伊完成被赋予 ê任务。

重新查询 专卷研经 路加福音系列
错误回报,请联系comm[@]fhl.net