利未记 5章14节 到 5章19节 背景资料 上一笔 下一笔 |
Chit段经文是关系所谓赎过祭ê条例,它kah「赎罪祭」真类似。Tùi第五章15节,以及第六章2到3节经文,thang知影chit种罪主要是kah「背信」有关。亲像:kā属tī上帝ê物件,占为己有;是属tī别人ê物件,却m̄肯归还,á是偷the̍h、讲白贼等行为。赎过祭ê特点tī还债ê时chūn,一定tio̍h加重百分之二十ê负担。 Chia mā是强调无意中,意思是并m̄是故意犯罪。 第14节,应该做ê献祭,却无去做,可能是bē记得,á是因为tāi-chì缠绊á无法度照时间办理。 第15到16节,chit时chūn,就beh用一只无残缺ê公绵羊献hō͘上帝作赎过祭,这表示加倍补偿ê意思。 若是无羊只,thang用银á当做对价。然后tio̍h koh加上百分之二十ê价码。 第17到19节,所谓犯了「上主ê禁令」,这是teh指bē-tàng做ê事,却tī无自觉中做。Chit时tio̍h用公绵羊当做赎过祭献上,á是用对价ê银á,chit种价码由圣所ê祭司决定。免不了ê,价码是kah头前仝款, tio̍h加上百分之二十。 |