利未记 3章1节 到 3章5节   背景资料  上一笔  下一笔
Chit章是记载第三种祭,mā就是「平安祭」ê条例。平安祭,kah烧化祭真类似,用牛(第1到5节)á是用「羊」(第6到16节),siōng大ê差别:烧化祭是全部tio̍h烧献,á平安祭只有kā祭牲ê一部分tī祭坛上烧献。

Chit种平安祭mā thang讲是一个人祭。有两种内涵,一是表示感恩,二表示还愿(参考民数记六:14)。虽然是一个人祭,若一个民族á是团体beh向上帝感恩ê时chūn mā thang献chit种祭。亲像:五旬节ê时chūn,祭司tio̍h代表人民献「赎罪祭」作平安祭(参考廿三:19)。烧化祭有一个特别ê所在,就是烧掉祭牲ê脂肪kah内脏,肉留落来hō͘献祭者kah祭司食用。Kah献烧化祭仝款,选用祭牲礼一定tio̍h是无残缺ê chiah thang。

Chit段经文是关系献牛作平安祭ê规例。

第1到2节,无论是献甚么牲祭,lóng有一个共同基本要件,就是「一定tio̍h选用无残缺ê」牲畜,用公牛á是母牛lóng thang。M̄-koh烧化祭只有ē-tàng用公牛。仝款ê,祭司tio̍h kā手hē tī牛头壳顶,然后kā牛ê血hiù tī祭坛ê四周。

第3到4节,chia指出牛ê内脏器官siōng好ê部分tio̍h烧献hō͘上帝。会献内脏ê原因,可能是kah以色列人民ê观念有关,in认为人会有感情,是因为有内脏器官ê关系。Chiah-ê献hō͘上帝ê牲祭,就是beh完全烧献,任何人lóng bē-tàng食烧献hō͘上帝之物,若无,会有真严重ê惩罚(参考七:25)。

第5节,强调上帝欢喜chit种祭,原因是平安祭teh表示感恩,kah上帝和好ê意思。

重新查询 专卷研经 利未记系列
错误回报,请联系comm[@]fhl.net