Chit章是关系以色列人民重要ê节期。Chiah-ê节期lóng kah上帝ê赐福有密切关系，因为án-ne，in kā chiah-ê节期看做是感恩ê活动。人ê性命，就是beh感恩，因为上帝是爱ê上帝，如果无上帝ê赐福，人即使有掖种，mā会因欠缺雨水、凉风、日照á无收成，人因缺乏粮食á iau饿，性命kā遭遇死亡ê威胁。因为án-ne，每过一段ê时日，就一定tio̍h透过节期提醒人民会记得上帝ê恩典，献上感恩。Á感恩ê方式，就是敬拜上帝。若是用今á日来看，感谢上帝siōng好ê方式，就是参加敬拜。

Chit段经文是kah守安息日有关系。遵守安息日mā是十诫ê第四诫（参考出埃及记二十：8—11），背景kah创世记第二章1到3节有关。

第1到2节，chia真清楚说明tio̍h遵守「宗教节期」，无论是甚么节期，lóng tio̍h去敬拜上帝。当时是圣幕ê时代，以及后来延伸出来ê圣殿，敬拜ê方式lóng是用献祭为主。后tī主前586年，以色列人民被掠到巴比伦去做奴隶，圣殿被摧毁了后，发展出「会堂」ê聚会，就无法度koh再以献祭为敬拜ê方式，改为用祈祷kah读圣经注意听上帝语为主要方式。

第3到4节，非常清楚提起守安息日，tio̍h停止一切工作，专心敬拜上帝。安息日是属tī上帝ê。Chit种概念tī今á日ê基督徒心中已经jú来jú薄弱。