利未记 17章1节 到 17章9节   背景资料  上一笔  下一笔
Chit段经文是利未记ê第二部分,被称做「圣洁ê法典」。Tī chit-ê十章中,lóng是用「耶和华上帝讲,lín圣洁,因为我是圣洁ê」chit种话句为主轴,论述整部「圣洁ê法典」ê内容。

圣洁,有另外一个意义,就是「禁忌」。Mā就是bē-tàng随便ê意思。因为án-ne,任何违反圣洁规律ê人,lóng「一定tio̍h tùi上帝ê子民中除名(á是开除)」。

Chit章主要teh说明两件kah献祭相关而且非常重要ê规律,一是献祭一定tio̍h tī圣幕ê所在举行。以前是tī旷野ê所在举行,chit-má一定tio̍h tī圣幕门口,kā它交hō͘祭司执行献祭ê礼仪(第5节)。因为旷野m̄是圣地,圣幕chiah是。旷野是当地原住民敬拜神灵ê所在,圣幕是以色列人民敬奉上帝ê处所。二是动物ê血绝对bē-tàng食,mā bē-sái食带有血ê动物肉,因为血是性命,有赎罪ê功能。

Chit段经文详细描述一定tio̍h遵守宰杀献祭动物ê地点,就是只有ē-tàng tī圣幕门口ê所在,bē-tàng随便tī其他所在。

第1到4节,chia真清楚,m̄是kā献祭动物ê血流出来就算了,宰杀be̍h献祭ê动物,一定tio̍h tī圣幕ê门口,这kah迦南地以及旷野居民,是tī各自厝里宰杀献祭ê牲畜无仝。这mā是一种分别为圣ê方式,表示耶和华宗教信仰ê特别所在。献hō͘耶和华上帝ê牲礼,连宰杀ê地点lóng一定tio̍h圣化chiah thang。

第5到7节,tī无圣幕chìn前,in设立祭坛献祭,chit-má圣幕已经造好了,圣幕内面有约柜,因为án-ne,圣幕ê所在,就成做神圣ê所在,á献祭就是敬拜上帝。因为án-ne,所有beh献祭ê牲礼lóng一定tio̍h带到圣幕前准备。

Koh讲,祭司一定tio̍h用宰杀动物流出来ê血,hiù tī祭坛ê四周,这mā有圣化ê用意。注意第7节所提起ê「山羊鬼」,这是teh指旷野ê鬼神,是旷野游牧民族所敬拜ê神。严厉禁止以色列人民mā向chit-ê鬼神献祭。

第8到9节,chit两节真清楚说明,除了tī圣幕门口献祭以外,其他所在lóng bē-tàng当做献祭之地,包括khiā起tī in中间ê外侨mā tio̍h遵守chit-ê条例。

重新查询 专卷研经 利未记系列
错误回报,请联系comm[@]fhl.net