利未记 14章33节 到 14章57节   背景资料  上一笔  下一笔
除了身躯ê问题外,mā有关系khiā起厝方面ê洁净问题。当时ê人认为厝mā会有被癞ko感染ê情形出现,因为hit时chūn ê人无法度了解潮湿,á是空气流通不佳会对身躯健康有影响。不过今á日ê人已经知影,如成(chiâⁿ)实是传染病,则m̄-nā是人需要被隔离出来,连居家环境mā需要消毒,来预防继续传染hō͘出入该场所ê人。

第33到42节,「厝有发霉ê现象」,祭司就beh命令kā厝内所有ê物件lóng搬出来,然后紧闭「七工」,了后若是发见有继续蔓延、扩大发霉范围ê情况,án-ne就需要kā hiah-ê石头移开,石头壳顶外层ê石灰层刮掉,kā刮落来ê尘埃hō͘倒tī粪埽堆ê所在。然后tio̍h换上新ê石头,而且涂上新ê石灰层。

第43到47节,如果换上新ê石头,抹上去ê石灰层继续发霉,这就表示该厝ê问题真正真严重,需要kā kui间厝phah掉,重新建造。因为he是无清气ê厝,当然就不准任何人入去khiā起á是触(tak)tio̍h。

第48到53节,相对tī前一段经文ê无清气,chit段是洁净ê厝,tio̍h举行洁净礼,仝款ê需要用献祭来表示,祭物包括两只鸟、一块香柏木、一条朱红线,kah一条牛膝草ê嫩枝,ùn鸟ê血hiù厝七pái。

第54到57节,头前叙述ê lóng是kah清气kah无清气ê规定有关。Tùi人到厝,lóng需要hiù血七pái,用chit种方式表示洁净。七pái,表示完美,有上帝赐福ê意思。

重新查询 专卷研经 利未记系列
错误回报,请联系comm[@]fhl.net