利未记 11章1节 到 11章12节   背景资料  上一笔  下一笔
Tùi第十一章到第十五章,lóng tī说明清气kah无清气之间ê区别。

详细说明二者之间ê差别,为tio̍h是beh教导以色列人遵守,好hō͘家己真正成做「分别为圣」ê民族(参考十一:45)。如果kā第十六章1节「亚伦ê两个kiáⁿ因向上主献凡俗ê香火被杀以后」,续接tī第十章了后,读起来mā真顺畅。因为án-ne,有圣经学者认为这五章可能是为tio̍h beh教导人民严格遵守洁净、神圣ê礼仪,免得koh再犯拿答kah亚比户ê事件á加入ê。若此,mā thang看出当时祭司ê主要工作,就是teh分别洁净á无ê事,因为chit关系tio̍h人民是m̄是ē-tàng进入圣幕(á是圣殿)敬拜上帝ê资格。Chiah-ê区别所讲ê「圣俗、清气kah无清气」主要目的,mā是teh对抗外邦人宗教信仰ê侵犯,hō͘以色列人完全tńg来到耶和华上帝ê领域中,真实地敬拜上帝。

Chit章是有关洁净食物方面ê条例。大概ê区别方式如下:各种外邦人所敬拜ê动物,á是hiah-ê因迷信认为有魔力ê动物,lóng属tī无清气ê。肉食ê动物kah鸟类是属tī无清气ê。想像中属tī无清气ê动物,亲像:鳗、鳝鱼之类ê,因为款式真亲像蛇,mā tī无清气ê食物之列。

其实,teh看chit章经文ê时chūn,mā tio̍h对照一下马可福音第七章15节、使徒行传第十章9到16节、罗马书第十四章等经文ê教导,整体chiah会比较明白。

Chit段经文是有关平时常见ê动物,以及鱼类ê洁净á无之别。

第1到8节,chia列出家畜动物有脚蹄ê,其脚蹄一定tio̍h是分瓣,iáu有其胃一定tio̍h反刍,án-ne chiah ē-tàng列为洁净动物á食之,若无,就列入无清气ê动物,bē-tàng食。

对台湾人欢喜食用ê猪肉tī当时是禁止食用ê,tī chia讲猪是属tī无清气ê动物bē-sái食,原因是猪无反刍。这可能kah中东地带bat发生食猪á发生瘟疫,á是可能是因为猪tī中东地带,常常hông用来献祭hō͘异教神明ê路用,为tio̍h beh区隔有ê规定。Chit种规定对tī欢喜猪肉ê台湾人并无合适。

第9到12节,chia清楚写出鱼类一定tio̍h是有鳍、鳞ê chiah thang食。M̄-koh今á日ê科技已经hō͘远洋渔船ē-tàng捞捕各种深海鱼类,亲像:鲔鱼、土魠等,lóng是无鳞ê鱼。Iáu有台湾人siōng kah意ê鳗鱼、鳝鱼等,因为样式真亲像蛇á被列入无清气ê行列,因为蛇被看做是诱惑者、撒旦、魔鬼。

重新查询 专卷研经 利未记系列
错误回报,请联系comm[@]fhl.net