Chit章thang分做两个部分，第一部分是第1到7节，有关亚伦两个kiáⁿ干犯了献祭ê规律，因为án-nehō͘ 上帝咒诅á死。第二部分是第8到20节，mā是有关祭司规律ê事。

Tī第八章kui章lóng讲tio̍h设立祭司ê条例，一再重复一句话：「这一切lóng遵照上主ê命令做。」chit句话真清楚teh表明：甚么人被设立为祭司，伊就一定tio̍h照规矩办理敬拜上帝ê工作，一点mā马虎bē-tàng。因为án-ne，摩西向亚伦kah伊ê kiáⁿ提出严厉ê警告：若办里献祭礼仪ê时，违背上帝ê命令，一定会死（参考八：35）

Tī第九章讲tio̍h设立祭司了后，in真确实地操练怎样带领人民办理献祭ê礼仪，因为án-ne，只要确实遵照上帝命令办理，上帝就会tùi圣幕中显现出来，并且赐福hō͘以色列人。如果无遵照上帝ê命令，上帝就bē显现，表示上帝bē接纳以色列人，in就会失去上帝ê赐福。

亚伦ê kiáⁿ拿答kah亚比户，竟然违背上帝ê命令，办理献祭礼仪ê时亵渎上帝ê神圣，á丧失了性命。这mā是对所有teh beh被设立众祭司ê利未族ê严厉警告。

Chit段经文讲tio̍h亚伦ê两个kiáⁿ—拿答，是大kiáⁿ；亚比户，是第二kiáⁿ。因为无照上帝ê命令办理献祭，结果hō͘ 上帝惩罚á死tī圣幕里。

第1到3节，亚伦ê chit两个kiáⁿ「the̍h家己ê香炉，贮满火，烧了香」献hō͘上帝。Chit种香炉是平底ê浅盘，用来承载烧tio̍h ê火炭。然后kā香料hē tī火炭顶面。第1节就真清楚指出，拿答kah亚比户所the̍h ê是「凡俗ê香火」，这已经违背上帝ê命令，in无kā家己厝里用ê香，kah beh献hō͘上帝ê香kā它区隔出来，chit种祭司，一定会hō͘上帝tùi以色列人中hō͘除名（参考出埃及记三十：34—38）。chit-má拿答kah亚比户竟然敢违背上帝ê命令，表示in并无真心敬畏上帝，这显然是故意ê态度。结果m̄-nā所烧献ê香hō͘ 上帝拒绝，甚至hō͘ 上帝严厉惩罚á死tī圣幕中。

Koh讲，祭坛顶ê火是bē-tàng熄灭ê，tio̍h「日夜不断来火烧，bē-tàng熄灭」（参考利未记六：13），iáu一定tio̍h tùi祭坛顶引火，bē-tàng私自点火烧香献hō͘上帝，以表示圣洁ê意思。

第4到5节，因为照上帝ê命令，祭司bē-tàng接触tio̍h尸体（参考利未记廿一：11），因为án-ne，摩西叫亚伦ê叔父乌薛ê kiáⁿ米沙利kah以利撒反进入圣幕中，kā拿答kah亚比户ê尸体抬出送到以色列人民扎营区域ê外面去。

第6到7节，摩西吩咐亚伦ê叔父（m̄是祭司）去处理尸体ê事，同时禁止亚伦kah伊ê kiáⁿ接触尸体，为tio̍h是beh保持圣洁ê缘故。而且bē-tàng为家己ê亲人举哀，因为in是干犯献祭ê圣洁工作，换句话讲，如果in举哀，表示是对上帝惩罚违反神圣ê人不满。不举哀，表示拿答kah亚比户两人是罪有应得。摩西koh一pái利用chit-ê机会严厉警告亚伦kah伊ê kiáⁿ，强调in既然被设立为祭司，就已经「成圣了」，一定tio̍h顶真地遵照上帝ê命令办理祭司礼仪。其实，拿答kah亚比户ê行为已经提供一个非常重要ê信息：祭司一定tio̍h严格遵守圣洁ê规律，如果无án-ne，就是污秽了上帝ê祭坛。这mā是对所有祭司严厉警告。