士师记 9章1节 到 9章22节   背景资料  上一笔  下一笔
Chit章主要是teh绍介亚比米勒chit位出tī基甸ê kiáⁿ,当以色列人民ê首领,tī伊治理之下ê情景。

为tio̍h领导权,真容易发生所讲ê「宫廷内斗」ê事,严重ê是亲骨肉互相残杀,就是为tio̍h夺权ê事。亚比米勒ê事件án-ne,大卫王死后ê宫内,mā发生chit-ê tāi-chì(参考列王记上第一到二章),列王记下第九到十章mā有记载关系耶户夺取王位ê事件,lóng tī说明chit种宫廷内斗争夺权ê龌龊行踏。

Chia讲述发生争夺权力ê地点背景是tī示剑,这是当时重要ê一个大城市,设tī以巴路山kah基利心山之间肥ê山谷,是当时巴勒斯坦ê贸易中心城市,mā是以色列人民看做「圣城」之一,因为亚伯拉罕bat tī-chia看见上帝向伊显现(参考创世记十二:6—7)。

第1到3节,chit段经文一开始就说明基甸ê厝内人违背基甸当时ê诺言(参考八:23)。亚比米勒kah全家tī示剑询问想beh甚么人当in ê领导者。因为基甸共生「七十个kiáⁿ」(参考八:30)。亚比米勒显然是真有企图心,伊对示剑城ê人表示,伊chiah是in ê亲「骨肉」,因为伊ê老母是示剑人。

第4到6节,注意第4节chia提起亚比米勒用钱买收「一阵无赖游民跟tòe伊」,这是为tio̍h夺取领导权,显然亚比米勒kah伊ê老父基甸(参考八:23)是明显ê对比。积极想夺取领导权ê人,心中bē kā上帝khǹg tī眼里,因为伊想ê是:只有我chiah是领袖。Chit种人bē问:上帝ê意思怎样?而且伊是用钱买票,违背信仰ê基本原则,koh khah残酷ê手段是伊杀害其他ê兄弟,以阻止in对伊当领导者ê威胁。Iáu好,基甸siōng小ê kiáⁿ约坦躲过了chit pái ê家庭浩劫。

第7到21节,chit段经文主要是记载约坦对亚比米勒杀害家己ê兄弟,只为tio̍h beh当以色列人民ê领袖,伊先向示剑人讲了一则寓言,续落来解释这寓言,主要是ài in mài跟tòe亚比米勒。

第7到15节,约坦讲一则寓言。请注意,伊chit篇寓言是用「诅咒」收尾ê。寓言中提起各种果子树lóng拒绝被选立做树王,每棵果子树lóng kā家己ài做ê主要工作siōng重要,却m̄是当王,最后愿意当王ê竟然是siōng无用ê刺phè,甚至语带恐吓ê方式来表示一定tio̍h由它做树林ê王chiah thang,若无,它tio̍h用火来烧毁siōng珍贵ê香柏树。这已经清楚teh暗示刺phè就是亚比米勒,是如仝一个文不值ê刺phè一般。

第16到21节,chit段经文是约坦teh解释寓言ê内容。伊讲tio̍h亚比米勒并无亲像in ê老父基甸仝款,约坦谴责示剑人bē记得in老父基甸为以色列人民所做ê贡献,竟然拥立一位杀害家己七十个兄弟ê人当王。约坦甚至用鄙视(siùⁿ)ê用词讲亚比米勒ê老母是一个女婢,意思是teh指ná亲像「刺phè」仝款ê卑贱。伊语带讽刺ê讲beh祝福in,m̄-koh mā提醒in可能发生koh khah残酷ê相残ê tāi-chì会发生。伊主要用意是希望唤醒所有ê以色列人民拒绝接受亚比米勒当士师。伊ê chit段话mā隐喻了以色列各支族之间ê领导权问题。

第22节,chia讲亚比米勒「统治以色列三年」,比较khah正确ê讲法是伊统治示剑kah周围地区三年。

重新查询 专卷研经 士师记系列
错误回报,请联系comm[@]fhl.net